Нідэрляндцы

Нідэрля́ндцы, часам галя́ндцы (па-нідэрляндзку: Nederlanders) — карэннае насельніцтва Нідэрляндаў. Агульная колькасьць ад 25 да 28 мільёнаў чалавек. У Нідэрляндах пражывае 13 186 600 чал. Частка нідэрляндцаў жыве таксама ў ЗША, Канадзе й іншых краінах. Мова — нідэрляндзкая, германскае групы індаэўрапейскае моўнае сям’і, асабліва блізкая да нямецкай. Паводле мовы, традыцыяў, побыту гэтыя народы вельмі блізкія. Рэлігія — пратэстантызм рознага кшталту, каталіцызм, агнастыцызм. Пісьменнасьць на лацінскай аснове.

Нідэрляндцы
Nederlanders
1 рад: Эразм Ратэрдамскі • Вільгельм Аранскі • Ёган ван Ольдэнбарнэвэльт • Морыц Аранскі • Піт Пітэрсан Гейн 2 рад: Гуга Гроцый • Фрэдэрык Генрых Аранскі • Ян Леэвагтэр • Рэмбрант • Міхаіл дэ Адрыянсзан Руйтэр 3 рад: Ян дэ Віт • Бэнэдыкт Сьпіноза • Крыстыян Гюйгэнс • Вільгельм III Аранскі • Антані ван Левэнгук 4 рад: Ізабэль дэ Шар’ер • Ёган Рудольф Торбэке • Эдуард Доўвэс Дэкер • Вінцэнт ван Гог • Ян Дыдэрык Ван-дэр-Ваальс 5 рад: Гэндрык Антоон Лёрэнц • Алета Якабс • Вільгельміна • Вілем Дрээс • Ёган Кройф
Агульная колькасьць	ад 25 да 28 мільёнаў
Рэгіёны пражываньня	Нідэрлянды: 13 186 600[1]  ЗША: 5 087 191[2]  ПАР: прыкл. 5,000,000[3]  Канада: 923,310[4]  Бразылія: прыкл. 850,000[5]  Аўстралія: прыкл. 270,000[6]  Нямеччына: прыкл. 164,000 зь іх 41,000 у памежным рэгіёне[7]  Сурынам: прыкл. 151,000[8]  Бэльгія: 121 489, зь іх 59,000 у памежным рэгіёне[9]  Новая Зэляндыя: прыкл. 100,000[10]  Францыя: прыкл. 83,000[11]  Шры-Ланка: 40,000[12]  Вялікабрытанія: 40,000[11]  Данія: прыкл. 26,000[13]  Гішпанія: прыкл. 20,000[13]  Швайцарыя: 16,143[14]  Ірляндыя: 4,292[15]
Мовы	нідэрляндзкая
Рэлігіі	Пераважна Пратэстанцтва, каталіцызм значна менш агнастыцызм. Значна распаўсюджаны атэізм[16][17].
Блізкія этнасы	немцы, ангельцы, фрызы, флямандцы
Нідэрляндцы ў Вікісховішчы

Мова

Размаўляюць пераважна на галяндзкай (нідэрляндзкай) мове, што зьяўляецца стандартызаванай формай ніжнефранскіх дыялектаў гістарычнае правінцыі Галяндыя (паўночны захад Нідэрляндаў), на поўдзень ад якой распаўсюджаныя іншыя ніжнефранскія дыялекты, якія структурна могуць уяўляць сабою асобныя мовы (брабанцкія, лімбурскія дыялекты). Тым ня менш, галяндцы, якія пражываюць пасярод гістарычных арэалаў дадзеных дыялектаў (то бок, Фляндрыя, паўночны захад Францыі), выкарыстоўваюць літаратурную галяндзкую. Пісьмовасьць на лацінскай аснове, якая мае даўнюю літаратурную традыцыю. Асаблівае становішча займаюць афрыкаанс (маўленьне нашчадкаў галяндзкіх калянізатараў Паўднёвай Афрыкі) і крэалізаваныя формы маўленьня на Шры-Ланцы.