Готальд

Готальд, Годальт — мужчынскае імя, зьвязанае зь літоўскім (беларускім) імём Гутаўт.

Паходжаньне

Імя Годальт (Godald, Godolt, Gothold, Gotthold^[1]) мае германскае паходжаньне.

Паводле менскага дасьледніка Алёхны Дайліды, які разьвівае германскую (перадусім усходнегерманскую) этымалёгію імёнаў літоўскіх князёў і баяраў, у германскіх адпаведніках літоўскіх імёнаў (Вітольд, Гастальд, Нартальд, Ратольд) другім фармантам выступае -таўт- (усходнегерманскія імёны Teutgerdis, Theudemir, Theudila, Witolt), які паходзіць ад гоцкага theuda 'род, народ'^[2]. У імі Годальт першы фармант -год- (-гуд-) (гоцкія імёны Gudeleub, Godemund, Guderith) паходзіць ад гоцкага guþs 'Бог'^[3].

Носьбіты

• Самуэль Готальд Лянге (1711—1781) — нямецкі паэт
• Готальд Эфраім Лесінг (1729—1781) — нямецкі пісьменьнік, філёзаф, драматург, публіцыст і мастацтвазнаўца
• Готальд Салямон (1784—1862) — нямецкі рабін, палітык і перакладнік Бібліі

Глядзіце таксама

• Румбольд
• Гедыгольд