Гіравічы (Гарадзенская вобласьць)

Гі́равічы^[1] — вёска ў Беларусі, каля ракі Гаўі. Уваходзяць у склад Суботніцкага сельсавету Івейскага раёну Гарадзенскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Гіравічы.

Гіравічы лац. Hiravičy / Giravičy
Краіна:	Беларусь
Вобласьць:	Гарадзенская
Раён:	Івейскі
Сельсавет:	Суботніцкі
Насельніцтва:	48 чал. (2009)
Часавы пас:	UTC+3
Тэлефонны код:
Паштовы індэкс:	231341
СААТА:	4229843031
Нумарны знак:	4
Геаграфічныя каардынаты:	54°8′25″ пн. ш. 25°48′18″ у. д.
Гіравічы на мапе Беларусі ± Гіравічы Гіравічы

Назва

Асноўны артыкул: Гера (мужчынскае імя)

Гера або Гіра (Gero, Giro) — імя германскага паходжаньня^[2][3].

Гісторыя

У XIX — пачатку XX ст. вёска ў Суботніцкай воласьці Ашмянскага павету Віленскай губэрні. У сярэдзіне XIX ст. у складзе маёнтку Сурвілішкі, уласнасьць памешчыка Паплаўскага. У 1861 г. 62 рэвіскія душы. У 1897 г. 32 двары, 180 жыхароў.

У лістападзе 1906 году вяскоўцы бралі ўдзел у масавых выступах супраць абшарніка Паплаўскага. Хваляваньні былі спынены пры дапамозе паліцыі.

У 1921—1939 гг. у Суботніцкай гміне Валожынскага, з 1926 г. Лідзкага паветаў Наваградзкага ваяводзтва Польшчы. У 1921 г. 46 двароў, 226 жыхароў.

3 12.10.1940 г. вёска (63 двары, 327 жыхароў) у Жамыслаўскім сельсавеце Івейскага раёну. У Вялікую Айчынную вайну — часткова спалена. У кастрычніку 1950 г. арганізаваны калгас імя К. Я. Варашылава, з 1960 г. у саўгасе «Жамыслаўль». 3 29.4.1960 г. у Суботніцкім сельсавеце. У 1946—1970 гг. працавала пачатковая школа. У 1970 г. 237 жыхароў. Пасьля ў складзе калгаса «Жамыслаўль».

У 1999 г. 47 двароў, 87 жыхароў.

Насельніцтва

• 1999 год — 87 чалавек
• 2009 год — 55 чалавек^[4]