Стэнлес Пінск

«Стэнлес» — беларускі футбольны клюб зь Пінску. З 2017 году выступае ў другой лізе чэмпіянату Беларусі (за выключэньнем сэзону 2018 году).

Стэнлес
Горад	Пінск, Беларусь
Стадыён	Акадэмія футболу
Галоўны трэнэр	Віталь Кірылка[d][1]
Чэмпіянат	Другая ліга
· 2022	6 месца
Галерэя здымкаў у Вікісховішчы fc.stanles.by (рас.)

Гісторыя

Каманда зьявілася ў 2017 годзе, калі кіраўніцтва пінскай СДЮШАР-3 вырашыла заявіць каманду дзеля ўдзелу ў Другой лізе чэмпіянату Беларусі. Каманда стала праводзіць хатнія матчы на базе пінскай Акадэміі футболу, якая была адкрытая ў 2014 годзе. Выступаючы маладымі гульцамі ў дэбютным сезоне, СДЮШАР-3 атрымала толькі тры перамогі і заняла апошняе 14-е месца ў табліцы. У лютым 2018 года стала вядома, што СДЮШАР-3, хутчэй за ўсё, не заявіцца ў Другую лігу на сэзон 2018 году^[2], і ў красавіку каманда ня трапіла ў канчатковы сьпіс удзельнікаў турніру^[3][4].

У лютым 2019 году стала вядома, што ў Другую лігу ў сэзоне 2019 году зьбіраецца заявіцца аб’яднаная каманда СДЮШАР-3 і аматарскай каманды «Савушкін»^[5]. У выніку, аднак, дружына далучылася да Другой лігі пад назвай «ДЮСШ-3-Стэнлес». Акрамя маладых выхаванцаў ДЮСШ, склад каманды таксама дапоўніў шэраг дасьведчаных гульцоў. Каманда здолела замацавацца ў верхняй палове табліцы і скончыла сэзон 2019 году на шостым месцы.

У пачатку 2020 года каманда зьмяніла назву на «Стэнлес»^[6]. Захаваўшы асноўных гульцоў, «Стэнлес» доўга змагаўся за высокія месцы, у выніку з сваёй групы выйшаў у фінальны этап, але там заняў апошняе шостае месца. У пачатку 2021 году, не зважаючы на магчымасьць павышэньня ў Першую лігу, каманда засталася ў Другой лізе. У сэзоне 2021 году «Стэнлес» разглядаўся як адзін з фаварытаў, але заняў шостае месца. Клюб пасьля адмовы іншых камандаў зноўку не скарыстаўся мажлівасьцю заявіцца ў Першую лігу, дзе ў 2022 годзе зноў апынуўся шостым, бо ў 1/4 фіналу плэй-оф турніру атрымаў паразу ў сэрыі пэнальці ад клюбу «Сьвіслач». У матчы за 5 месца пінчукі саступілі клюбу «Жодзін-Паўднёвы».

Галоўныя трэнэры

• Віктар Дарашэнка (2017)
• Уладзімер Тыльковіч (2019)
• Віктар Дарашэнка (2020 — красавік 2021)
• Андрэй Казарын (красавік — сьнежань 2021)
• Сяргей Напяркоўскі (студзень — ліпень 2022)
• Ігар Курган (в. а. ліпень — жнівень 2022)
• Андрэй Лясюк (з жніўня 2022)

Статыстыка

Чэмпіянат і Кубак Беларусі

Сэзон	Ліга	Месца	Г	В	Н	П	РМ	Пкт	Кубак
2017	Другая	14	26	3	0	23	21–101	9	1/32
2019	Другая	6	28	14	4	10	51–47	46	1/64
2020	Другая — група А	3	20	13	4	3	61–24	43	1/32
	Другая — фінальны этап	6	10	1	3	6	9–18	6
2021	Другая — Берасьцейскі (усход)	1	14	12	2	0	78–7	38	1/16
	Другая — Берасьцейскі (плэй-оф)	2	6	2	3	1	8–7	9
	Другая — плэй-оф	6	7	2	2	3	15–13
2022	Другая — Берасьцейскі (усход)	1	12	12	0	0	93–10	36	1/16
	Другая — Берасьцейскі (плэй-оф)	2	10	8	0	2	36–12	24
	Другая — плэй-оф	6	7	1	3	3	21–12
2023	Другая — Берасьцейскі (усход)								1/128