Даніел Алвэс

Даніел Алвэс да Сылва (па-партугальску: Daniel Alves da Silva; нар. 6 траўня 1983 году, Жуазэйру, Бразылія) — колішні бразыльскі футбаліст, абаронца. Гулец нацыянальнай зборнай Бразыліі. Перад заканчэньнем кар’еры гуляў за мэксыканскі клюб УНАМ Пумас, які спыніў кантракт з гульцом у 2023 годзе пасьля таго, як футбаліст быў затрымалі ў Гішпаніі ў сувязі з абвінавачаньнямі ў плоцевых злачынствах^[7][8][9].

Даніел Алвэс
Пэрсанальная інфармацыя
Нарадзіўся	6 траўня 1983(1983-05-06)[1][2][3][…] (42 гады) Жуазэйру[d], Баія, Бразылія[4][5]
Рост	172 см[6]
Вага	70 кг[6]
Пазыцыя	задні абаронца, абаронца
Клюбы
Гады	Клюб	Гульні (галы)¹
2001—2002	Баія	25 (2)
2002—2008	Сэвільля	175 (11)
2008—2016	Барсэлёна	247 (14)
2016—2017	Ювэнтус	33 (6)
2017—2019	Пары Сэн-Жэрмэн	48 (2)
2019—2021	Сан-Паўлу	76 (8)
2022	Барсэлёна	14 (1)
2022—2023	УНАМ Пумас[d]	13 (0)
Зборныя
2003	Бразылія (да 20)[d]	7 (0)
2006—2019	Бразылія	118 (8)

Біяграфія

«Баія»

Даніел Алвэс пачаў сваю кар’еру ў бразыльскім клюбе «Баія» й неўзабаве быў заўважаны скаўтамі з Эўропы. Пасьля выступленьня за моладзевую зборную Бразыліі ў 2002 годзе Алвэса на шэсьць месяцаў арэндавала гішпанская «Сэвільля».

«Сэвільля»

У 2003 годзе Алвэс удзельнічаў са зборнай у моладзевым чэмпіянаце сьвету, на турніры Даніел добра праявіў сябе, ягоная зборная стала пераможцам турніру, а Алвэс увайшоў у тройку найлепшых гульцоў турніру. Пасьля гэтага «Сэвільля» выкупіла трансфэр Алвэса. У сьнежні 2006 году Алвэс падпісаў новы кантракт з «Сэвільляй» да 2012 году.

«Барсэлёна»

7 чэрвеня 2008 году перайшоў у «Барсэлёну», быўшы набытым, каб замяніць Джанлюку Дзамброту, які перайшоў у «Мілян». Арыентаваная сума трансфэру склала ад 29 да 32 млн эўра, кантракт разьлічаны на 5 гадоў^[10]. Нягледзячы на жаданьне пакінуць клюб, на прэс-канфэрэнцыі Даніел ня здолеў стрымаць сьлёз, сказаўшы, што ён прыйшоў у «Сэвільлю» хлопчыкам, а пакідае яе мужчынам.

Перад сэзонам 2009—2010 гадоў абраў нумар 2, які дастаўся яму пасьля таго, як Мартын Касэрэс перайшоў у «Ювэнтус» на правах арэнды. У жніўні 2019 году вярнуўся на радзіму, каб гуляць за «Сан-Паўлу»^[11].

Зборная

За асноўную зборную Алвэс дэбютаваў у таварыскім матчы супраць каманды Эквадору, выйшаўшы на замену, праз тры дні ў таварыскім матчы ён дэбютаваў у асноўным складзе супраць зборнай Кувэйту.

Дасягненьні

«Сэвільля»:

• Уладальнік Кубка Гішпаніі: 2007
• Уладальнік Супэркубка Гішпаніі: 2007
• Уладальнік Кубка УЭФА: 2006, 2007
• Уладальнік Супэркубка УЭФА: 2006

«Барсэлёна»:

• Чэмпіён Гішпаніі: 2009, 2010, 2011, 2013, 2015, 2016
• Уладальнік Кубка Гішпаніі: 2009, 2012, 2015, 2016
• Уладальнік Супэркубка Гішпаніі: 2009, 2010, 2011, 2013
• Пераможца Лігі чэмпіёнаў: 2009, 2011, 2015
• Уладальнік Супэркубка УЭФА: 2009, 2011, 2015
• Пераможца клюбнага чэмпіянату сьвету: 2009, 2011, 2015

«Ювэнтус»:

• Чэмпіён Італіі: 2017
• Уладальнік Кубка Італіі: 2017

«Пары Сэн-Жэрмэн»:

• Чэмпіён Францыі: 2018, 2019
• Уладальнік Кубка Францыі: 2018
• Уладальнік Кубка францускай лігі: 2018
• Уладальнік Супэркубка Францыі: 2017, 2018

«Сан-Паўлу»:

• Чэмпіён штату Сан-Паўлу: 2021

Бразылія:

• Уладальнік Кубка Амэрыкі: 2007, 2019
• Уладальнік Кубка Канфэдэрацыяў: 2009, 2013
• Алімпійскі чэмпіён: 2020