Дзьмітравіцкі сельсавет (Камянецкі раён)

Дзьмі́травіцкі сельсавет (афіцыйная назва — Дзьмітро́віцкі сельсавет^[1]) — адміністрацыйна-тэрытарыяльная адзінка ў складзе Камянецкага раёну Берасьцейскай вобласьці. Цэнтар савету — вёска Дзьмітравічы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дзьмітравіцкі сельсавет.

Дзьмітравіцкі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Дзьмітравічы
Дата ўтварэньня	12 кастрычніка 1940
Насельніцтва	▼1626 чал. (2019)
Месцазнаходжаньне
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

На поўначы тэрыторыя сельсавету выходзіць да Белавескай пушчы.

Гісторыя

12 кастрычніка 1940 году створаны Дзьмітравіцкі сельсавет у складзе Камянецкага раёну Берасьцейскай вобласьці.

24 верасьня 1998 году вёскі Вілы, Селішча Вялікае, Селішча Малое, Мшанкі, Гарошкаўка 1, якія раней належалі да Дзьмітравіцкага сельсавету, перададзеныя ў склад Камянюцкага сельсавету^[2].

Насельніцтва

Улучае ў сябе 29 населеных пунктаў з агульнай колькасьцю насельніцтва на 2010 год — 2034 жыхары. Найбуйнейшыя вёскі — Дзьмітравічы (588 жыхароў) і Хадасы (516), у якіх пражывае больш за палову насельніцтва ўсяго сельсавету. Больш за палову астатніх вёсак маюць насельніцтва менш за 30 жыхароў, а Абрамава знаходзіцца на мяжы зьнікненьня (3 жыхары).

Транспартныя сувязі

Праз тэрыторыю сельсавету праходзяць аўтадарогі рэспубліканскага значэньня «Абход тэрыторыі нацыянальнага парку „Белавеская пушча“» (Р98) і Берасьце — Камянец — Каменюкі (Р83).

Азёры і рэкі

Каля вёскі Ўнучкі маецца возера Смуга. Па поўначы тэрыторыі сельсавету працякае канал Хваянаўскі роў, які ўпадае ў раку Белую.