Абрамава

Абра́мава^[2] — вёска ў Камянецкім раёне Берасьцейскай вобласьці, уваходзіць у Дзьмітравіцкі сельсавет.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Абрамава (неадназначнасьць).

Абрамава
трансьліт. Abramava
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Дзьмітравіцкі
Насельніцтва:	3 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225062[1]
СААТА:	1240820001
Нумарны знак:	1
Геаграфічныя каардынаты:	52°32′4″ пн. ш. 23°44′53″ у. д.
Абрамава на мапе Беларусі ± Абрамава Абрамава

Абрамава месьціцца за 18 км на поўнач ад Камянцу, за 55 км на поўнач ад Берасьця, за 46 км на паўночны захад ад чыгуначнай станцыі Жабінка (лінія Берасьце — Баранавічы).

Гісторыя

• 1857: калёнія, 88 рэвіскіх душ, дзяржаўная ўласнасьць.
• 2-я палова XIX ст.: габрэйская калёнія Абрамава (Плясішча) у Дзьмітравіцкай воласьці Берасьцейскага павету Гарадзенскай губэрні Расейскай імпэрыі.
• 1897: паводле перапісу 16 двароў, 133 жыхары, каля 120 дзесяцінаў сядзібнай і ворыўнай зямлі, дзейнічаў малітоўны дом.
• 1905: 100 жыхароў.
• 1921: у выніку польска-савецкай вайны па Рыскай мірнай дамове ў складзе Польшчы, калёнія ў складзе Дзьмітравіцкай гміны Берасьцейскага павету Палескага ваяводзтва.
• 1923: 18 двароў, 97 жыхароў.
• 1939: у выніку пакту Молатава — Рыбэнтропа ў складзе Берасьцейскай вобласьці БССР.
• 1940: вёска ў Дзьмітравіцкім сельсавеце Камянецкага раёну Берасьцейскай вобласьці, 24 двары, 128 жыхароў.
• 1942: у жніўні вёска была спалена нямецкімі захопнікамі, загінулі 76 мірных жыхароў.
• 1960: у вёсцы 61 жыхар.
• 1970: 47 жыхароў, у саўгасе імя Сьвярдлова.

Насельніцтва

• 2010 год — 3 чалавекі
• 1999 год — 12 чалавек

Транспартныя сувязі

Праз аўтадарогу мясцовага значэньня Дзьмітравічы — Абрамава (Н397) вёска злучаецца з цэнтрам сельсавету — вёскай Дзьмітравічы і зь вёскай Макавішчы таго ж сельсавету.

Інфраструктура

У складзе СВК «Хадасы».