Унучкі

Уну́чкі^[2] — вёска ў Камянецкім раёне Берасьцейскай вобласьці, уваходзіць у Дзьмітравіцкі сельсавет.

Унучкі
трансьліт. Unučki
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Дзьмітравіцкі
Насельніцтва:	23 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225065[1]
СААТА:	1240820026
Нумарны знак:	1
Геаграфічныя каардынаты:	52°28′57″ пн. ш. 23°44′30″ у. д.
Унучкі на мапе Беларусі ± Унучкі Унучкі

Унучкі месьцяцца за 2,5 км на захад ад аўтадарогі Берасьце — Каменюкі (Р83), за 13 км на паўночны захад ад Камянцу, за 53 км на поўнач ад Берасьця, за 28 км на паўночны ўсход ад чыгуначнай станцыі Высока-Літоўск на лініі Берасьце — Беласток.

Гісторыя

• сярэдзіна XIX ст.: вёска ў складзе маёнтку Пашукі, уласнасьць абшарнікаў Насаржэўскіх.
• 1857: паводле 10-й рэвізіі 45 рэвіскіх душ.
• 2-я палова XIX ст.: вёска ў Дзьмітравіцкай воласьці Берасьцейскага павету Гарадзенскай губэрні Расейскай імпэрыі.
• 1890: вёска і аднайменны маёнтак (належаў Флору Штарку).
• 1897: паводле перапісу ў вёсцы 12 двароў, 84 жыхары, у Сінітыцкай сельскай грамадзе; у маёнтку — 2 двары, 14 жыхароў.
• 1905: у вёсцы 20 двароў, 101 жыхар.
• 1921: у выніку польска-савецкай вайны па Рыскай мірнай дамове ў складзе Польшчы, у Дзьмітравіцкай гміне Берасьцейскага павету Палескага ваяводзтва.
• 1923: 15 двароў, 80 жыхароў.
• 1939: у выніку пакту Молатава — Рыбэнтропа ў складзе Берасьцейскай вобласьці БССР.
• 1940: у Дзьмітравіцкім сельсавеце Камянецкага раёну Берасьцейскай вобласьці, у вёсцы 33 двары, 157 жыхароў.
• 1941—1945: цягам Другой сусьветнай вайны на франтах загінулі і прапалі бязь вестак 4 вяскоўцы.
• 1959: паводле перапісу 135 жыхароў.
• 1970: 115 жыхароў, у саўгасе імя Дзімітрава.

Насельніцтва

• 2010 год — 23 жыхары
• 2005 год — 22 жыхары, 17 двароў^[3]
• 1999 год — 37 жыхароў

Інфраструктура

У складзе ААТ «Камянецкая пушча».