Дзьмітравічы (Берасьцейская вобласьць)

Дзьмі́травічы^[3] (афіцыйная назва — Дзьмітро́вічы^[3]) — вёска ў Камянецкім раёне Берасьцейскай вобласьці, цэнтар Дзьмітравіцкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дзьмітравічы.

Дзьмітравічы
трансьліт. Dźmitravičy[a]
Першыя згадкі:	XVI стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Дзьмітравіцкі
Вышыня:	167[1] м н. у. м.
Насельніцтва:	588 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225062[2]
СААТА:	1240820061
Нумарны знак:	1
Геаграфічныя каардынаты:	52°29′22″ пн. ш. 23°46′48″ у. д.
Дзьмітравічы на мапе Беларусі ± Дзьмітравічы Дзьмітравічы
Галерэя здымкаў у Вікісховішчы

Дзьмітравічы месьцяцца за 12 км на паўночны захад ад Камянцу, за 49 км на поўнач ад Берасьця, за 37 км ад чыгуначнай станцыі Жабінка (лінія Баранавічы — Берасьце).

Гісторыя

• канец XVI ст.: вёска ў Берасьцейскім павеце і ваяводзтве ВКЛ, дзяржаўная ўласнасьць.
• 1786: пабудавана драўляная царква Перамяненьня Гасподняга.
• 1795: у выніку 3-га падзелу Рэчы Паспалітай у складзе Расейскай імпэрыі.
• 1-я палова XIX ст.: сяло ў Берасьцейскім павеце Гарадзенскай губэрні. Адносілася да фальварку Ямна маёнтку Дамброва.
• 1847: паводле інвэнтару ўладаньне абшарнікаў Сівераў і Бахмецьевай, у сяле 311 наяўных сялянскіх душ, 344 дзесяціны ворыўнай, 28 дзесяцінаў сядзібнай зямлі.
• 1860-я: у Дзьмітравіцкай воласьці тых жа павету і губэрні.
• 1885: сяло, 42 двары, 399 жыхароў, валасное ўпраўленьне, праваслаўная царква, школа, за 1 вярсту ў сядзібе Ямна віназавод.
• 1897: паводле перапісу 74 двары, 498 жыхароў, народнае вучылішча, хлебазапасная крама, карчма. Пры сяле знаходзілася сядзіба Андрэя Жуковіча, 1 двор, 3 жыхары.
• 1905: 560 жыхароў, у народным вучылішчы 97 навучэнцаў.
• 1921: у выніку польска-савецкай вайны па Рыскай мірнай дамове ў складзе Польшчы, сяло, цэнтар Дзьмітравіцкай гміны Берасьцейскага павету Палескага ваяводзтва.
• 1923: 89 двароў, 402 жыхары.
• 1939: у выніку пакту Молатава — Рыбэнтропа ў складзе Берасьцейскай вобласьці БССР.
• 1940: вёска, цэнтар Дзьмітравіцкага сельсавету Камянецкага раёну Берасьцейскай вобласьці, 121 двор, 614 жыхароў, 7-гадовая школа, бэтонны завод, маслазавод, пошта. У склад сельсавету ўваходзілі 16 паселішчаў (648 двароў, 3542 жыхары).
• 1941—1945: цягам Другой сусьветнай вайны на франтах загінулі і зьніклі бязь вестак 25 жыхароў вёскі.
• 1950: цэнтар узбуйненага калгасу імя Дзімітрава.
• 1959: на землях калгасу створаны саўгас «Белавескі».
• 1960: у вёсцы 372 жыхары.
• 1964: цэнтар саўгасу імя Дзімітрава (у 1991 годзе рэарганізаваны ў калгас).
• 1964: 616 жыхароў.

Насельніцтва

• 2010 год — 588 чалавек
• 1999 год — 618 чалавек

Транспартныя сувязі

Празь вёску праходзіць аўтадарога рэспубліканскага значэньня Берасьце — Камянец — Каменюкі (Р83).

Інфраструктура

Цэнтар ААТ «Камянецкая пушча».

Заўвагі

1. Паводле афіцыйнай назвы — Dźmitrovičy