Паўтораны Закон

Кні́га Паўто́раны Зако́н (па-габрэйску: דְּבָרִים‎, Двары́м — «[прамоўленыя] словы»; па-лацінску: Deuteronomium; па-старажытнагрэцку: Δευτερονόμιον; таксама «Пятая кніга Майсея») — пятая кніга Старога Запавету, Пяцікніжжа і ўсяе Бібліі. Увасабляе сабой своеасаблівы выклад зьместу ўсіх папярэдніх кніг. Пададзеная ў форме прамовы Майсея перад ізраільцянамі напярэдадні іхняга пераходу празь Ярдан і ўступленьня ў Зямлю запаветную. У адрозьненьне ад астатніх кніг Пяцікніжжа, Паўтораны Закон, за выняткам нешматлікіх фрагмэнтаў і асобных вершаў, напісаны ад першай асобы.

Кніга Старога Запавету Паўтораны Закон

Пяцікніжжа Майсеева

Кніга Роду Кніга Выхаду Сьвятарская кніга Кніга Лічбаў Паўтораны Закон

Прарокі

Першыя прарокі Кніга Ісуса сына Нава Кніга Судзьдзяў Першая кніга Царстваў Другая кніга Царстваў Трэцяя кніга Царстваў Чацьвертая кніга Царстваў Пазьнейшыя прарокі Кніга прарока Ісаі Кніга прарока Ераміі Кніга прарока Езэкііля Меншыя прарокі Кніга прарока Асіі Кніга прарока Ёіля Кніга прарока Амоса Кніга прарока Аўдзея Кніга прарока Ёны Кніга прарока Міхея Кніга прарока Навума Кніга прарока Абакума Кніга прарока Сафона Кніга прарока Агея Кніга прарока Захарыі Кніга прарока Малахіі

Пісаньні

Паэтычныя Псальмы Выслоўі Саламонавы Кніга Ёва Пяць скруткаў Найвышэйшая песьня Саламонава Кніга Рут Ераміін плач Эклезіяст Кніга Эстэр Гістарычныя Кніга прарока Данііла Кніга прарока Эздры Кніга прарока Нээміі Першая кніга летапісаў Другая кніга летапісаў

п а р

Выдадзены Ф. Скарынам «Паўтораны закон» захаваўся ў 14 асобніках. Як і папярэдняя кніга Пяцікніжжа, яна не вылучаецца багацьцем мастацкага аздабленьня. Тут зьмешчаныя толькі дзьве гравюры, адна зь іх — на тытульным аркушы з надпісам: «Моисей навчает людей ізраилевых втораго закону» ды паўтораная перад тэкстам кнігі застаўка, перанесеная з кнігі Ісуса Нававага^[1].

Назва

Ілюстрацыя да кнігі Паўторанага закону 14:1

Назва «Паўтораны закон» паходзіць ад грэцкага перакладу (у Сэптуагінце) біблійнага выразу па-габрэйску: מִשְׁנֵה הַתּוֹרָה‎^[2] (мішнэ ха-тара; літар. «рукапіс Торы, перапісаны зь іншага рукапісу», «сьпіс Закону») — па-старажытнагрэцку: Δευτερονόμιον («другі закон» або «паўтораны закон»). Тым самым зьмест гэтай кнігі інтэрпрэтаваны ў якасьці «другога закона», абвешчанага Майсеем у краіне Мааўскай, і супастаўлены зь «першым законам», які быў атрыманы Майсеем ад Бога на гары Сынай. Назва кнігі адпавядае зьместу, у Паўтораным законе сапраўды паўтораныя значныя паводле аб’ёму фрагмэнты рэлігійнага заканадаўства кнігі Выхаду.