Дубраўка (Ельскі раён)

Дубраўка — вёска ў Беларусі, каля мэліярацыйных каналаў. Уваходзіць у склад Валаўскага сельсавету Ельскага раёну Гомельскай вобласьці. Насельніцтва 23 чал. (2004). Знаходзіцца за 41 км на паўднёвы захад ад места і чыгуначнай станцыі Ельск (лінія Каленкавічы — Оўруч), за 218 км ад Гомелю. Палявая дарога злучае вёску з аўтамабільнай дарогай Скароднае — Стадолічы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дубраўка.

Дубраўка
Вобласьць:	Гомельская
Раён:	Ельскі
Сельсавет:	Валаўскі
Насельніцтва:	23 (2004)
Геаграфічныя каардынаты:	51°42′ пн. ш. 28°40′ у. д.
Дубраўка на мапе Беларусі Дубраўка

Гісторыя

Упершыню Дубраўка згадваецца ў XIX ст. як хутар Мазырскага павету Менскай губэрні.

Насельніцтва

• XIX стагодзьдзе: 1897 — 6 двароў, 48 жыхароў (паводле перапісу)
• XX стагодзьдзе: 1917 — 75 жыхароў; 1924 — 16 двароў, 95 жыхароў; 1959 — 203 жыхары (паводле перапісу)
• XXI стагодзьдзе: 2004 — 15 гаспадарак, 23 жыхары^[1]