Дуброва (Лельчыцкі раён)

Дубро́ва^[1] — вёска ў Лельчыцкім раёне Гомельскай вобласьці, за 14 км на захад ад раённага цэнтру Лельчыцаў, за 75 км ад чыгуначнай станцыі Ельск. Дуброва ўваходзіць у склад і зьяўляецца цэнтрам Дуброўскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дуброва.

Дуброва
трансьліт. Dubrova
Першыя згадкі:	1551
Краіна:	Беларусь
Вобласьць:	Гомельская
Раён:	Лельчыцкі
Сельсавет:	Дуброўскі
Вышыня:	150 м н. у. м.
Насельніцтва:	720 чал. (2010)
Часавы пас:	UTC+3
Тэлефонны код:	+375 2356
Паштовы індэкс:	247850
СААТА:	3228824036
Нумарны знак:	3
Геаграфічныя каардынаты:	51°47′4″ пн. ш. 28°12′48″ у. д.
Дуброва на мапе Беларусі ± Дуброва Дуброва
Галерэя здымкаў у Вікісховішчы

Гісторыя

Па пісьмовых крыніцах вядомая з 1551 году як дзяржаўнае сяло ў складзе Вялікага Княства Літоўскага. З 1793 году — у складзе Расейскай імпэрыі, сяло знаходзілася ў Лельчыцкай воласьці Мазырскага павету Менскай губэрні.

У лістападзе 1942 году нямецка-фашысцкія захопнікі спалілі ўсю вёску і загубілі 23 жыхары.

З 23 сьнежня 1959 году цэнтар сельсавету.

Насельніцтва

• XIX стагодзьдзе: 1886 год — 40 двароў, 243 жыхары
• XX стагодзьдзе: 1909 год — 105 двароў, 670 жыхароў; маёнтак, двор — 12 жыхароў; 1917 год — 141 двор, 895 жыхароў; маёнтак — 76 жыхароў; 1940 год — 210 двароў, 1056 жыхароў; 1971 год — 410 двароў, 1556 жыхароў; 1998 год — 316 двароў, 942 жыхары; 1999 год — 898 жыхароў; 2000 год — 347 двароў, 915 жыхароў
• XXI стагодзьдзе: 2010 год — 720 жыхароў

Інфраструктура

Сярэдняя школа, клюб, бібліятэка, комплексны прыёмны пункт бытавога абслугоўваньня, аддзяленьне сувязі, аўтаматычная тэлефонная станцыя, дзіцячы сад, фэльчарска-акушэрскі пункт, аддзяленьне ААТ «Беларусбанк», 3 крамы. Цэнтар камунальнага сельскагаспадарчага прадпрыемства «Новая ніва».

Інфармацыя для турыстаў

Страчаная спадчына

• Міхайлаўская царква