Задубровенка

Задубро́венка — рака ў Беларусі, левы прыток ракі Дняпра. Цячэ ў Дубровенскім раёне Віцебскай вобласьці. Даўжыня з рэчкай Дубровенкай 19 км. Плошча вадазбору 84 км².

Рака

Задубровенка
Дубровенка
Дуброўна. Вусьце Задубровенкі.
Агульныя зьвесткі
Выток	ваколіцы вёскі Станіславова 54°33′09.19″ пн. ш. 30°41′40.16″ у. д.
Вышыня вытоку	185 мэтраў
Вусьце	Дняпро 54°34′24″ пн. ш. 30°40′21.8″ у. д.
Вышыня вусьця	153 мэтра
Краіны басэйну	Беларусь
Вобласьці	Віцебская вобласьць
Раёны	Дубровенскі раён
Даўжыня	19 км з рэчкай Дубровенка
Плошча басэйну	84 км²
Нахіл воднай паверхні	2.6 ‰
Гарады на рацэ	Дуброўна
Асноўныя прытокі
Левыя	Сьляпчанка
Правыя	Дубровенка
Галерэя здымкаў у Вікісховішчы

Замчышча ля вусьця Задубровенкі

Кляштар бэрнардынаў ля вусьця Задубровенкі

Агульныя зьвесткі

Пачынаецца на паўночным усходзе каля вёскі Станіславова ад сутоку рэк Дубровенкі й Сьляпчанкі. Ля ўтоку Задубровенкі ў Дняпро знаходзіцца места Дуброўна.

Найбольшыя прытокі

• Правыя:

1. Дубровенка, выток на паўночны захад ад вёскі Волева.
2. Тхарынка, выток 1 км на поўнач ад вёскі Барадзіно, упадае ў раку Дубровенку ля вёскі Карабанавічаў, даўжыня 4.8 км.

• Левыя:

1. Міластоўка, выток ля вёскі Пасудзьдзева, упадае ў раку Дубровенка ля вёскі Малога Бахава, даўжыня 5.5 км.
2. Сьляпчанка, выток 2 км на захад ад вёскі Махначоў, упадае ў раку Дубровенка на паўночным усходзе ад вёскі Станіславова, даўжыня 7.2 км., у межах раёна 5 км.^[1]

На рацэ

Задубровенка

• Места Дуброўна.

Правыя прытокі

• Дубровенка. Вёскі: Волева. Глебава, Вячэрына, Сваташыцы, Цілевічы
• Тхарынка. Вёскі: Барадзіно, Карабанавічы

Левыя прытокі

• Міластоўка. Вёскі: Пасудзьдзева, Вялікае Бахава , Малое Бахава
• Сьляпчанка. Вёскі: Махначы, Рыбалтова, Чубакова, Станіславова

Турыстычная інфармацыя

Славутасьці

У межах вадазбору ёсьць наступныя помнікі археалёгіі, гісторыі, мастацтва, культуры й прыроды ў паселішчах па берагах Задубровенкі й яе прытоках.

• Кляштар бэрнардынаў (Дуброўна, XVIII—пач. XIX ст.).
• Сядзібна-паркавы ансамбль у вёсцы Станіславова на правым беразе Сьляпчанкі.
• Гарадзішча ў ваколіцах вёскі Барадзіно.
• Курганны могільнік у вёсцы Глебава.
• Два гарадзішчы ў ваколіцах вёскі Карабанавічы.
• Гарадзішча ў ваколіцах вёскі Малое Бахава.
• Курганны могільнік пэрыяду раньняга сярэднявечча на паўднёвай ускраіне вёскі Сваташыцы.

Страчаная спадчына

• Замчышча ля вусьця ракі Задубровенкі.
• Палац (XVIII ст.) і ліпавы парк «Бяльмонт» у стылі італьянскага адраджэньня паміж палацам і стромкім берагам Задубровенкі ў межах места Дуброўна.
• Каталіцкая капліца — на могілках ў вёсцы Малое Бахава.
• Былая ўніяцкая царква Ўзьнясеньня Гасподняга ў вёсцы Сваташыцы.