Ерэмі Піна

Е́рэмі Пі́на (па-гішпанску: Yeremy Pino; нар. 20 кастрычніка 2002 году) — гішпанскі футбаліст, правы паўабаронца клюбу «Вільярэал» і нацыянальнай зборнай Гішпаніі.

Ерэмі Піна
Пэрсанальная інфармацыя
Нарадзіўся	20 кастрычніка 2002(2002-10-20) (22 гады) Лас-Пальмас, Гішпанія
Рост	1,72 м
Пазыцыя	паўабаронца
Клюбная інфармацыя
Клюб	Вільярэал
Нумар	21
Клюбы
Гады	Клюб	Гульні (галы)¹
2020—4	Вільярэал	132 (17)
Зборныя
2021—4	Гішпанія	15 (3)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 26 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 8 верасьня 2024.

Кар’ера

Клюбная

Ерэмі нарадзіўся на Канарскіх астравах, таму яшчэ маладым хлопцам далучыўся да моладзевай акадэміі клюбу «Ляс-Пальмас» у 2014 годзе. 22 чэрвеня 2017 году, адмовіўшыся ад прапановы «Барсэлёны», далучыўся да «Вільярэалу»^[1]. Спачатку баарніў колеры рэзэрвовай каманды ў найніжэйшых лігах Гішпаніі.

Правёўшы перадсэзонны збор зь першай камандай клюбу, якую ачольваў Унаі Эмэры, Піна дэбютаваў на прафэсійным узроўні 22 кастрычніка 2020 году, зьявіўшыся на замену ў матчы Лігі Эўропы супраць турэцкага «Сывасспору», які гішпаская дружына выгуляла зь лікам 5:3^[2]. Праз тры дні паўабаронца дэбютаваў у кашулі галоўнай каманды ў матчы Ля Лігі супраць «Кадысу» (0:0)^[3]. Маладзён хутка замацаваўся ў складзе каманды. 26 траўня 2021 году гулец быў у складзе каманды на фінал Лігі Эўропы 2021 году, стаўшы наймаладзейшым гішанскім гульцом, які з пачатку матчу згуляў у буйным эўрапейскім фінале ў веку 18 гадоў і 218 дзён. Папярэдні рэкорд належыў Ікеру Касыльясу, які той усталяваў у фінале Лігі чэмпіёнаў 2000 году^[4]. Футбаліст адзначыўся чатырма галамі 27 лютага 2022 году, калі «Вільярэал» на хатнім стадыёне разграміў «Эспанёл» зь лікам 5:1.

Міжнародная

Гулец дэбютаваў у асноўнай камандзе 6 кастрычніка 2021 года ў паўфінале Лігі нацыяў супраць зборнай Італіі, замяніўшы траўмаванага Фэрана Торэса пасьля 49 хвілінаў матчу^[5]. Праз чатыры дні ён выйшаў з лаўкі ў фінальным матчы турніру супраць зборнай Францыі^[6]. Першым матчам, які Піна пачаў з пачатку, сталася таварыская сустрэча супраць зборнай Ісьляндыі, якая ладзілся ў Ля-Каруньні 29 сакавіка 2022 году^[7].

Дасягненьні

«Вільярэал»:

• Пераможца Лігі Эўропы: 2021

Гішпанія:

• Пераможца Лігі нацыяў УЭФА: 2023