Запароская АЭС

атамная электрастанцыя ў Запароскай вобласьці Ўкраіны From Wikipedia, the free encyclopedia

Запароская АЭС
Remove ads

Запаро́ская а́тамная электраста́нцыя (ЗАЭС) атамная электрастанцыя, разьмешчаная на беразе Кахоўскага вадасховішча ў Запароскай вобласьці Ўкраіны, каля места Энэргадару. Найбольшая атамная электрастанцыя ў Эўропе і шостая ў сьвеце. Мае шэсьць энэргаблёкаў па 1 млн кВт кожны.

Хуткія факты Краіна, Месцазнаходжаньне ...
Remove ads

Агульная інфармацыя

Рашэньне пра будаўніцтва ЗАЭС было прынятае ў 1977 року. Будаўніцтва пачалося ў 1979 року.

У 1984—1987 уведзеныя ў эксплюатацыю чатыры энэргаблёкі. Пяты стаў функцыянаваць у 1989 року, шосты — толькі ў 1995, пасьля скасаваньня мараторыю на будаўніцтва ядзерных аб’ектаў ва Ўкраіне. Пасьля гэтага Запароская атамная станцыя стала найбуйнейшай у Эўропе[2].

Штогод станцыя генэруе каля 40 млрд кВт-гад электраэнэргіі, што складае пятую частку агульнага вырабу электраэнэргіі ва Ўкраіне і палову ад вырабу на атамных станцыях.

На Запароскай АЭС першай сярод атамных станцый Украіны з рэактарамі тыпу ВВЭР пабудаванае сухое сховішча адпрацаванага ядзернага паліва (ССАЯП). Ягоная тэхналёгія заснаваная на захоўваньні адпрацаваных паліўных зборнікаў у вэнтыляваных бэтонных кантэйнэрах, разьмешчаных на тэрыторыі атамнай станцыі. Праектны аб’ём сховішча — 380 кантэйнэраў. Паліва з усіх астатніх АЭС Украіны вывозілася на перапрацоўку або захоўваньне ў Расею.

ЗАЭС падлучаная да электрасеткі з дапамогай ліній электраперадачаў (ЛЭП) 4×750 кВ і 1×330 кВ.

У студзені 2021 року Запароская АЭС упершыню ў гісторыі выйшла на поўную праектную магутнасьць 6000 МВт[3][4]. 22 сьнежня 2021 року Запароская АЭС усталявала абсалютны рэкорд магутнасьці — 6140 МВт[5].

Remove ads

Аварыіі

  • 3 сьнежня 2014 року на трэцім энэргаблёку АЭС адбылася аварыя ў сыстэме выдачы электраэнэргіі, не зьвязаная зь ядзерным рэактарам[6][7]. Аварыя ліквідаваная 5 лістапада.

Глядзіце таксама

  • Ядзерная энэргетыка Ўкраіны
  • Сьпіс электрастанцый Украіны

Крыніцы

Вонкавыя спасылкі

Loading related searches...

Wikiwand - on

Seamless Wikipedia browsing. On steroids.

Remove ads