Запольскі заказьнік
біялягічны заказьнік Беларусі From Wikipedia, the free encyclopedia
Remove ads
Запольскі заказьнік[1] — рэспубліканскі біялягічны заказьнік Беларусі, абвешчаны ў жніўні 1979 году на паўночным усходзе Віцебскага раёну[2].
Быў заснаваны для захаваньня месцаў росту журавінаў як заказьнік-журавіньнік[3]. Месьціўся на вярховым балоце зь мінэральнымі дзялянкамі на поўначы Запольскага сельсавету[4]. На балоце мела пашырэньне хвойна-хмызьнякова-мховая расьліннасьць з журавінамі, а таксама асаковыя, асакова-мховыя і багуновыя хвойнікі. На мінэральных дзялянках пераважалі яловыя, бярозавыя і асінавыя лясы чарнічнага і кісьлічнага відаў[5]. На землях заказьніка гнездаваліся рэдкія віды птушак, занесеныя ў Чырвоную кнігу Беларусі: белая курапатка, варакушка і арол-маркут, дзербнік і шэры саракуш, шэры журавель і вялікі ўліт, балотная сава і арол-вужаед. Сярод іншага, пражываў буры мядзведзь і расла паўночная лінея[6]. Плошча складала 794 гектары[7]. На подзень ад заказьніка знаходзіліся вёскі Дразды, Навасёлкі і Пудаць. На захадзе працякала рака Ўсьвяча.
Remove ads
Крыніцы
Wikiwand - on
Seamless Wikipedia browsing. On steroids.
Remove ads