Калодзескі сельсавет

Кало́дзескі сельсавет — адміністрацыйна-тэрытарыяльная адзінка ў складзе Ігуменскага раёну Менскай вобласьці. Адміністрацыйны цэнтар — вёска Любішына.

Калодзескі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Любішына
Дата ўтварэньня	20 жніўня 1924
Насельніцтва	▼2127 чал. (2019)
Мэдыя-зьвесткі
Часавы пас	UTC+03:00
Паштовыя індэксы	223227
Афіцыйны сайт
Дадатковыя мультымэдыйныя матэрыялы

Гісторыя

Утвораны 20 жніўня 1924 году як Калодзескі сельсавет у складзе Ігуменскага раёну Менскай акругі БССР. Цэнтар — вёска Калодзезі. Пасьля скасаваньня акруговай сыстэмы 26 ліпеня 1930 году ў Чэрвеньскім раёне БССР. З 20 лютага 1938 году ў складзе Менскай вобласьці.

25 ліпеня 1959 году да сельсавету далучана частка скасаванага Дамавіцкага сельсавету (6 населеных пунктаў: Асінаўка, Вормачка, Восава, Карабетаўка, Клейка, Мяжніца)^[1]. 22 сакавіка 1989 года цэнтар сельсавету перанесены з вёскі Калодзежы ў вёску Любішына.

27 лістапада 1989 году ў склад Лядскага сельсавету перададзены 5 населеных пунктаў (Бярозаўка, Велікапольле, Дубнікі, Плецявішча і Язоўкі), а ў склад сельсавета з Раваніцкага сельсавету перададзены 5 населеных пунктаў (Восаўскі Бор, Дамавіцк, Каліта, Навазер’е і Рэпішча)^[2].

30 кастрычніка 2009 году сельсавету перададзеныя населеныя пункты Амяло, Анапольле, Барсукі, Буйное, Ведрыца, Гарадзішча, Карпілаўка, Красная Зьмена, Луніца, Мяжонка, Новая Ніва, Падар, Падсосна, Ратнае, Стары Пруд, Хутар, Юравічы скасаванага Хутарскага сельсавету, а пасёлак Індом перададзены з Калодзескага ў склад Ігуменскага сельсавету^[3].

28 траўня 2013 году населеныя пункты Амяло, Барсукі, Буйное, Ведрыца, Гарадзішча, Карпілаўка, Красная Зьмена, Луніца, Новая Ніва, Ратнае, Хутар, Юравічы перададзеныя з Калодзескага ў склад Лядзкага сельсавету^[4].