Крайскі сельсавет

Кра́йскі сельсаве́т — адміністрацыйна-тэрытарыяльная адзінка ў складзе Лагойскага раёну Менскай вобласьці. Адміністрацыйны цэнтар — вёска Крайск.

Крайскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Крайск
Дата ўтварэньня	20 жніўня 1924
Насельніцтва	▲1415 чал. (2019)
Мэдыя-зьвесткі
Часавы пас	UTC+03:00
Паштовыя індэксы	223138
Дадатковыя мультымэдыйныя матэрыялы

Гісторыя

20 жніўня 1924 году створаны ў складзе Плешчаніцкага раёну Барысаўскай акругі. З 9 чэрвеня 1927 году ў складзе Менскай акругі. Пасьля скасаваньня акруговага падзелу 26 ліпеня 1930 году ў Плешчаніцкім раёне БССР. З 20 лютага 1938 году ў складзе Менскай вобласьці.

25 сьнежня 1962 году раён скасаваны, сельсавет далучаны да Лагойскага раёну.

28 траўня 2013 году ў склад сельсавету перададзеныя ўсе населеныя пункты — Асінцы, Баброва 1, Баброва 2, Белае, Будзенічы, Булахаўка, Вялікія Нястанавічы, Гарбоўшчына, Завішына, Завішынская Рудня, Запольле, Ляўданшчына, Малыя Нястанавічы, Прагон, Пятроліна, Стрый, Студзянец, Траянец, Ціхонавічы — ліквідаванага Нястанавіцкага сельсавету^[1].

Насельніцтва

Насельніцтва сельсавета паводле перапісу 2009 году (11 населеных пунктаў) — 694 чалавекі^[2], зь іх 93,5 % — беларусы, 4,5 % — расейцы, 0,7 % — украінцы^[3].