Круасан

Круасан (франц. croissant — паўмесяц) — булачка ў выглядзе маладзіка са слаёнага цеста.

Круасан
2018 год
Тып	булка
Нацыянальная страва	француская
Паходжаньне	Францыя
Рэгіён	Эўропа
Дата зьяўленьня	1950
Асноўны складнік	мука
Распаўсюджаныя складнікі	тварог, алей, яйкі
Энэргетычная каштоўнасьць (у 100 г)	401 ккал (1679 кДж)
Харчовая каштоўнасьць (у 100 г)	Бялкі: 5 г Тлушчы: 22 г Вугляводы: 47[1] г
Падобныя стравы	рагалік, слойка
Круасан у Вікісховішчы

Падаецца на сьняданак з гарачым шакалядам або кавай^[2].

Складнікі

Для прыгатаваньня круасанаў выкарыстоўваюць па 500 грамаў мукі і тварагу, 3 яйкі і 100 мілілітраў алею, 150 грамаў цукру (або яго заменьніка) і гарбатную лыжку горкай (нягашанай) соды^[3].

Прыгатаваньне

Спачатку зьмешваюць муку і тварог, яйкі і алей, цукар (або ягоны заменьнік) і соду. Атрыманае цеста раскачваюць у пласт таўшчынёй 1 см, які разразаюць на трыкутнікі. Іх змазваюць распаленым маслам. На нарэзаныя трыкутнікі кладуць начыньне, у якасьці якога выкарыстоўваюць варэньне і джэм, карыцу і мак, а таксама шакаляд. Трыкутнікі з адпаведным начыньнем скручваюць у рулецікі ад большага краю. Затым круасаны выпякаюць у духоўцы пры +180°C цягам 20 хвілінаў^[3].

У Беларусі ў якасьці начыньня таксама часам выкарыстоўваюць мяса і чырвоную рыбу (ласось), сыр і таматы^[4].