Ківачына

Ківа́чына^[2] — вёска ў Пружанскім раёне Берасьцейскай вобласьці. Уваходзіць у склад Шарашэўскага сельсавету.

Ківачына
трансьліт. Kivačyna
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Шарашэўскі
Вышыня:	171 м н. у. м.
Насельніцтва:	39 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225176[1]
СААТА:	1256762026
Нумарны знак:	1
Геаграфічныя каардынаты:	52°37′36″ пн. ш. 24°4′45″ у. д.
Ківачына на мапе Беларусі ± Ківачына Ківачына

Мінуўшчына

За расейскім часам — у Белавескай воласьці Пружанскага павету Гарадзенскай губэрні^[3].

Вёска была спаленая падчас Другой сусьветнай вайны.

29 траўня 2015 году Шарашэўскі пасялковы савет, у які ўваходзіла вёска, ператвораны ў сельсавет^[4].

Насельніцтва

• 2010 год — 39 чалавек
• 1999 год — 76 чалавек

Транспарт

Каля вёскі праходзіць аўтамабільная дарога Р81 Пружаны — мяжа Рэспублікі Польшча.

Турыстычная інфармацыя

Ля вёскі знаходзіцца камень-сьледавік (валун з адбіткам чалавечай нагі або рукі)^[5] зь дзьвюма ямкамі. Паводле паданьня, гэтыя сьляды пакінула Сьвятая Дзева, якая адпачывала на камені падчас падарожжа ў Ерусалім з малым Хрыстом на руках^[6]. Лічыцца, што дажджавая вада ў ямках ніколі не высыхае і дапамагае ад ліхаманкі^[7].

Асобы

• Канстанцін Дронь — беларускі паэт^[8].
• Сямён Мікульскі — савецкі вайсковец, генэрал-лейтэнант.