Кінюш

Кінюш (Кінш), Генюш (Гінюш) — мужчынскае імя і вытворнае ад яго прозьвішча.

Kynosz
Паходжаньне
Мова(-ы)	германскія
Утворанае ад	Ginn + суфікс з элемэнтам -ш- (-sch-)
Іншыя формы
Варыянт(ы)	Генюш, Кінш, Гінюш
Зьвязаныя артыкулы
якія пачынаюцца з «Кінюш»

Паходжаньне

Асноўны артыкул: Імёны ліцьвінаў

Геніш (Gennisch) — імя германскага паходжаньня^[1]. Іменная аснова -гін- (-ген-, -кін-) (імёны ліцьвінаў Гендрута, Кімунд, Менгін; германскія імёны Genedrudis, Ginmund, Mennigen) паходзіць ад гоцкага gin- 'пачатак'^[2] (гоцкае *ginnan, германскае *gennan 'пачынаць'^[3]).

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Kinosz^[4]: Kynosz (1465 год)^[5].

У 1580 годзе ў Каралявецкім унівэрсытэце навучаўся Johannes Gensch, Welouiensis Borussus^[6].

Варыянты імя ў гістарычных крыніцах: Яшъко Киншовичъ^[7], Петько Кгинюшевич^[8], Станиславъ Киншевичъ^[9] (1528 год); боярын господарский повета Городеньского… на дядка своего, боярына господарского Станислава Кгинюшевича (20 кастрычніка 1533 году)^[10]; Станко Кинюшевич, Петко Кинюшевич (верасень 1536 — жнівень 1537 году)^[11]; Павелъ Петровичъ Кгинюшовичъ (1567 год)^[12]; печатью и съ подписомъ руки его милости пана Крыштофа Кгинюша (10 лютага 1617 году)^[13]; Stanisław Giniusz (1803 год)^[14]; Urszula Gieniusz (1820 год)^[15].

Носьбіты

• Яшка Кіншавіч — кернаўскі баярын, які ўпамінаецца ў попісе войска Вялікага Княства Літоўскага 1528 году
• Пецька Гінюшавіч — гарадзенскі баярын, які ўпамінаецца ў попісе войска ВКЛ 1528 году
• Станіслаў Кіншавіч — відуклеўскі баярын, які ўпамінаецца ў попісе войска ВКЛ 1528 году
• Станька і Петка Кінюшавічы — гарадзенскія баяры, якія ўпамінаюцца паміж 1536 і 1537 гадамі
• Мальгарэта Юр’еўна Кіншовіч Скірдвойнава — расенская зямянка, якая ўпамінаецца ў 1598 годзе^[16]
• Баляслаў Генюш (Geniusz) — шляхціч зь Бельскага павету, высланы ўладамі Расейскай імпэрыі ў Табольск^[17]