Лапацічы (Магілёўская вобласьць)

Лапа́цічы^[2] — вёска ў Прапойскім раёне Магілёўскай вобласьці. Адміністрацыйны цэнтар Лапаціцкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Лапацічы.

Лапацічы
трансьліт. Lapacičy
Краіна:	Беларусь
Вобласьць:	Магілёўская
Раён:	Прапойскі
Сельсавет:	Лапаціцкі
Насельніцтва:	498 чал. (2011)[1]
Часавы пас:	UTC+3
Тэлефонны код:	+375 2246
Паштовы індэкс:	213251
СААТА:	7250824026
Нумарны знак:	6
Геаграфічныя каардынаты:	53°34′0″ пн. ш. 30°52′0″ у. д.
Лапацічы на мапе Беларусі ± Лапацічы Лапацічы

Назва

Паводле паданьня, назва вёскі паходзіць ад прозьвішча пана, які пасяліў тут людзей, а сам быў нібыта татарын^[3].

Гісторыя

Згадваецца ў 1669 годзе як вёска ў Аршанскім павеце Вялікага Княства Літоўскага^[4].

У 1865 годзе ў складзе Пацяраеўскай воласьці Быхаўскага павету Магілёўскай губэрні^[5]. У 1881 годзе маёнтак належаў пану Дзяржынскаму-Дзекцераву, які валодаў 377 дзесяцінамі зямлі. У 1884 годзе ў вёсцы 35 двароў, у тым ліку 1 кавальскі і 20 рамізьніцкіх, 235 жыхароў, хлебазапасны магазін^[3].

Славутасьці

• Братэрская магіла савецкіх воінаў, якія загінулі ў 1943—1944 гадох, якая зьяўляецца гісторыка-культурнай каштоўнасьцю Рэспублікі Беларусь^[6].

Насельніцтва

• 1910 год — 415 чалавек^[3]
• 1999 год — 481 чалавек
• 2010 год — 398 чалавек
• 2011 год — 498 чалавек^[1]

Інфраструктура

У вёсцы дзейнічаюць крама, сельскі дом культуры, сельская бібліятэка, АТС, ДУА «Лапаціцкая сярэдняя школа», ДУА «Лапаціцкі ясьлі-сад», фэльчарска-акушэрскі пункт, паштовае аддзяленьне сувязі, лясьніцтва, закусачная, комплексны прыёмны пункт^[1].