Лешня (Капыльскі раён)

Ле́шня^[1] — вёска ў Капыльскім раёне Менскай вобласьці Беларусі. Уваходзіць у склад Блеўчыцкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Лешня.

Лешня
трансьліт. Liešnia
Краіна:	Беларусь
Вобласьць:	Менская
Раён:	Капыльскі
Сельсавет:	Блеўчыцкі
Насельніцтва:	347 чал. (2009)
Часавы пас:	UTC+3
Тэлефонны код:	+375 1719
Паштовы індэкс:	223931
СААТА:	6228804046
Нумарны знак:	5
Геаграфічныя каардынаты:	53°0′41.87″ пн. ш. 26°59′32.13″ у. д.
Лешня на мапе Беларусі ± Лешня Лешня
Галерэя здымкаў у Вікісховішчы

Лешня. Царква Сьвятога Георгія

Гісторыя

У пачатку XIX стагодзьдзя маёнтак належаў Радзівілам, у 1807 годзе князь Міхаіл Радзівіл выбудаваў тут драўляную Грэка-Каталіцкую царкву Сьв. Георгія. У 30-х гадах XIX стагодзьдзя пасьля падаўленьня паўстаньня 1830 году царква была перададзена праваслаўным. У сярэдзіне XIX стагодзьдзя вёскай валодалі ўжо Вайніловічы, у 1850 годзе Ксавэр Вайніловіч адрамантаваў Георгіеўскую царкву, пад яе быў падведзены каменны падмурак.

У пачатку XX стагодзьдзя струхлелая царква 1807 году была разабрана, а на яе месцы выбудавана сучасны будынак Сьвята-Георгіеўскай царквы.

Па Рыскай мірнай дамове (1921 г.) Лешня трапіла ў склад БССР, у 1937 годзе была зачынена царква. Падчас Вялікай Айчыннай вайны з чэрвеня 1941 па ліпень 1944 году вёска знаходзілася пад нямецкай акупацыяй.

Напрыканцы 1990-х гадоў Георгіеўская царква была вернутая вернікам і адрэстаўраваная.

Насельніцтва

• 2009 год — 347 чалавек