Любейка

Любейка (Любіка, Любка) — мужчынскае імя.

Liubbecha
Паходжаньне
Мова(-ы)	германскія
Утворанае ад	Lubo + суфікс з элемэнтам -к- (-k-)
Іншыя формы
Варыянт(ы)	Любіка, Любка
Зьвязаныя артыкулы
якія пачынаюцца з «Любейка»

Паходжаньне

Асноўны артыкул: Імёны ліцьвінаў

Любіка або Любека, пазьней Любка (Lubbiko, Liubbecha, Lubbeke^[1], Lübke) — імя германскага паходжаньня^[2]. Іменная аснова -люб- (імёны ліцьвінаў Любень, Любш, Любарт; германскія імёны Luben, Lubisch, Lubert) паходзіць ад гоцкага liufs^[3], германскага leuba, стараверхненямецкага liub 'лю́бы, каханы, мілы, прыемны'^[4].

У Прусіі бытавала імя Lubico / Lubike / Lubeke (1313 год)^[5]. У 1644 годзе ў Каралявецкім унівэрсытэце навучаўся Andreas Lubeck, Regiomontanus Borussus, у 1656 годзе — Melchior Lübeck, Regiomontanus Borussus^[6].

Германскае імя Lubbeke гістарычна бытавала ў Рызе^[7].

Варыянты імя ў гістарычных крыніцах: Любко князь, Воиневъ сынъ Полоцкого (Наўгародзкі чацьверты летапіс)^[8]; Любко князь Литовьской, Войневъ сынъ Полотьского князя (Сафійскі першы летапіс)^[9]; colonos bimansenses Lubikowicz Hiacynctum (1525 год)^[10]; в людеи наших городеньских на имя в Яна Ромеиковича а Богдана Любеиковича землю их Любеиковщину (28 ліпеня 1525 году)^[11]; люди у Городеньскомъ повете двора Мостовского… на имя Любейка (12 лютага 1528 году)^[12]; служба… Миколай Любейковичъ… Янушъ Любейковичъ (1555 год)^[13]; Holuba Liubieikowa synmi Hriskiem a Stasiem… Stańko Liubeykow. (1558 год)^[14]; Petrus Dominicus Lubec, Lithvanus (1640 год)^[15]; Леско Любыка (1649 год)^[16].

Носьбіты

• Любка († 1342) — сына князя полацкага Войны (Воіна), брата вялікага князя літоўскага Гедзіміна

Любкевічы (Lubkiewicz) гербу Траска — літоўскі шляхецкі род зь Віленскага ваяводзтва^[17].

У XVI ст. існаваў маёнтак Любкішкі (Любкишки, Люпкишки) у Жамойцкім старостве^[18].

На гістарычнай Лідчыне існуе вёска Любкішкі. Назву Любейкі маюць вёскі на гістарычных Наваградчыне і Падляшшы.