Любень

Любень, Любін — мужчынскае імя і вытворнае ад яго прозьвішча.

Luben
Паходжаньне
Мова(-ы)	германскія
Утворанае ад	Lubo + суфікс з элемэнтам -н- (-n-)
Іншыя формы
Варыянт(ы)	Любін
Зьвязаныя артыкулы
якія пачынаюцца з «Любень»

Паходжаньне

Асноўны артыкул: Імёны ліцьвінаў

Любін або Любен (Lubin, Luben) — імя германскага паходжаньня^[1]. Іменная аснова -люб- (імёны ліцьвінаў Любейка, Любш, Любарт; германскія імёны Liubbecha, Lubisch, Lubert) паходзіць ад гоцкага liufs^[2], германскага leuba, стараверхненямецкага liub 'лю́бы, каханы, мілы, прыемны'^[3].

У Прусіі бытавала імя Lubene / Lubin (1331 год)^[4]. У 1607 і 1637 гадох у Каралявецкім унівэрсытэце навучаўся Reinholdus Lubenau, Regiomontanus Borussus^[5].

Варыянты імя ў гістарычных крыніцах: Wissegaude vnd Lubenne… sie wonen im Brandenburgischen gebite (Паведамленьні аб літоўскіх дарогах)^[6]; Псковскыхъ пословъ 5 мужь Михаила Любиновича и дружину его (Пскоўскі другі летапіс)^[7]; шестдесятъ чоловековъ Мемижское и Свирянское волости на имя… а Якуба Корбутевича, а Любоня брата его (5 ліпеня 1507 году)^[8]; бояре путные к тому двору Мусницкому… Любен Петрашевич (1 ліпеня 1542 году)^[9]; Szydziuk Lubynic (1558 год)^[10]; Bartlomiey Luben (20 лістапада 1604 году)^[11]; Abram Lubenowicz Mieszczanin (Kieydanski) (1624 год)^[12]; Jozeph Lubenowicz (1624 год)^[13]; Lubienie (1744 год)^[14]; Kazimierz Luben (1759 год)^[15]; Stanisławem Lubenem Protunc Pisarzem y Całym Szlachetnym Magistratem (1763 год)^[16]; Uczciwy Maciey Luben Obywatel Kieydanski (1764 год)^[17]; Lubinowiczowna (7 лютага 1797 году)^[18]; Matheam Lubinowicz (21 лютага 1797 году)^[19]; My Jakub y Anna z Lubenow Stankiewiczowie Małżąkowie Obywatele Miasta Kieydanskiego (1798 год)^[20]; Catharina Lubinowna (20 чэрвеня 1820 году)^[21].

Носьбіты

• Любень — водца крыжакоў у Літву з ваколіцаў Караляўцу
• Балтрамей Любень — кейданскі мешчанін, які ўпамінаецца ў 1604 годзе

Лубені (Łubień) — прыгонныя зь вёскі Саболкаў (каля Лынтупаў), якія ўпамінаюцца ў XIX стагодзьдзі^[22].

У 1905 годзе існаваў фальварак Любенішкі ў Верхнянскай воласьці^[23].

На гістарычнай Аршаншчыне існуе вёска Любінічы, на гістарычнай Лідчыне — Любянцы.