Лянда

Лянда (Ляндзь), Ланта — мужчынскае імя і вытворнае ад яго прозьвішча.

Lando
Паходжаньне
Мова(-ы)	германскія
Іншыя формы
Варыянт(ы)	Ланта, Ляндзь
Зьвязаныя імёны	Лянтэла, Ландзіна, Лямпарт
Зьвязаныя артыкулы
якія пачынаюцца з «Лянда»

Паходжаньне

Асноўны артыкул: Імёны ліцьвінаў

Ланда, Ланта або Ланд, пазьней Лянд або Лянт (Lando, Lanto, Land, Landt) — імя германскага паходжаньня^[1]. Іменная аснова -ланд- (-лант-) паходзіць ад германскага landa 'зямля'^[2]. Сярод ліцьвінаў бытавалі імёны Лянтэла, Ландзіна, Лямпэрт (Лямпарт). Адзначаліся германскія імёны Lendel (Landel), Landina, Lampert (Lambert).

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Land (Landa), Lambart (Lambert, Lampart), Landman, Oland, Ruland (< Hruodland)^[2]. У Беластоку адзначалася германскае прозьвішча Landiger (1775 год)^[3].

У 1644 годзе ў Каралявецкім унівэрсытэце навучаўся Wilhelmus Landaw, Regiomontanus Borussus, у 1654 годзе — Georgius Land, Regiomontanus Borussus, у 1656 годзе — Samuel Land, Elbingensis Borussus^[4].

Варыянты імя ў гістарычных крыніцах: именье… у Бельскомъ повете на имя Лантово (4 лютага 1528 году)^[5]; земенинъ господаръский повету Упитского Балътромей Станиславовичъ Ланда (12 верасьня 1586 году)^[6]; Mikołaj Lądewicz (1667 год)^[7]; w Landziczach (1675 год)^[8][a].

Носьбіты

• Каспар Ландовіч — шляхціч Менскага ваяводзтва, які ўпамінаецца ў 1787 годзе^[20]

Ляндзевічы — літоўскі шляхецкі род^[21].

Ланды (Łanda) — літоўскі шляхецкі род з Упіцкага павету^[22].

На 1910 год існавала вёска Ланды ў Сеньненскім павеце Магілёўскай губэрні^[23].

Заўвагі

1. Таксама:

   • Ляндзюн: Landziun (1671—1681 гады)^[9];
   • Лямбэр (адзначалася старажытнае германскае імя Lanberus, Lantpero^[10]): Jan Jerzy Lombier regent grodski y sądu powiatowego woiewódstwa Trockiego (3 сьнежня 1781 году)^[11];
   • Лентаўт, Лінтаўт (адзначалася старажытнае германскае імя Lantolt^[12]): Petronela Jozefata Lentowt (1820 год)^[13], Michal Wladyslaw Lintowt (1823 год)^[14];
   • Ляндвар (адзначалася старажытнае германскае імя Landowarius^[12]): на гістарычнай Троччыне існуе места Ляндварова;
   • Лондвін, Лентвін (адзначалася старажытнае германскае імя Landuin, Lantwin^[15]): Rozalia Londwin (1803 год)^[16], Stefan Lentwin (1829 год)^[17];
   • Лентэрт (адзначалася старажытнае германскае імя Lantard^[18]): Krystyna Lentert (1790 год)^[19]