Лямбэрт

Лямбэрт (Лемберт), Лямпарт — мужчынскае імя і вытворнае ад яго прозьвішча.

Lambert
Паходжаньне
Мова(-ы)	германскія
Утворанае ад	Landt + Bert
Іншыя формы
Варыянт(ы)	Лямпарт, Лемберт
Зьвязаныя артыкулы
якія пачынаюцца з «Лямбэрт»

Паходжаньне

Асноўны артыкул: Імёны ліцьвінаў

Ландаберт, Ланберт або Ламберт, пазьней Лямбэрт або Лямпэрт (Landobert, Lanbert, Lambert, Lampert) і Бертланда (Bertlanda) — імёны германскага паходжаньня^[1][2]. Іменная аснова -ланд- (-лант-) (імёны ліцьвінаў Лянтэла, Ландзіна; германскія імёны Landel, Landina) паходзіць ад германскага landa 'зямля'^[3], а аснова -берт- (-бэрт-, -барт-) (імёны ліцьвінаў Зыбарт, Кібарт, Любарт; германскія імёны Siebart, Kibart, Lubert) — ад германскага berhta 'яркі'^[4].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Lambert (Lampert, Lampart)^[5].

Варыянты імя ў гістарычных крыніцах: Lamperto alias Rambalt Wollymunthowicz (23 траўня 1409 году)^[6]; Kamel Lamparth, wloch (1552—1555 гады)^[7]; Lampart Włoch (1561—1566 гады)^[8]; Ламъпартъ Влохъ… тотъ же Лампартъ^[9], Лемъпартъ Юшковичъ^[10] (1567 год); Lampertowicz (1636 год)^[11]; Pani Lampartowiczowa (1667 год)^[12]; Anna Lambert (1808 год)^[13]; Mikołaj Lambertt (1819 год)^[14].

Носьбіты

• Лянтбэрт зь Ліёну (каля 625 — каля 688) — біскуп Ліёну
• Лямбэрт Спалецкі (каля 875/880 — 898) — кароль Італіі (891—898) і імпэратар (892—898), а таксама герцаг Спалета (894—898)
• Лямбэрт Маастрыскі (960 — 5 траўня 1038) — Сьвяты, біскуп Маастрыхту
• Лямбэрт Мешкавіч (каля 981 — па 992) — сын першага польскага караля Мешкі I
• Мешка II Лямбэрт (990—1034) — кароль Польшчы
• Лямбэрт Герсфэльдзкі (? — 1080-я) — нямецкі храніст
• Лямпэрт Вугорскі (каля 1040 — каля 1095) — вугорскі прынц
• Лямбэрт Зэмгальскі (памёр паміж 1227 і 1234) — біскуп Зэмгаліі і Сэліі
• Румбольд Лямпэрт Валімонтавіч (1371 — 1432) — дзяржаўны дзяяч Вялікага Княства Літоўскага, староста генэральны жамойцкі, маршалак земскі і намесьнік віцебскі
• Лямпэрт Дыстэльмаер (1522—1588) — нямецкі праўнік і канцлер
• Андрэй Лямпартовіч — расенскі зямянін, які ўпамінаецца ў 1586 і 1598 гадох^[15][16]
• Лямпарт Марцінавіч Доўбар Мажайковіч — расенскі зямянін, які ўпамінаецца ў 1598 годзе^[17]
• Крыштоф Лямпартовіч — расенскі зямянін, які ўпамінаецца ў 1600 годзе^[18]
• Гаспар Лампартовіч — віленскі лаўнік, які ўпамінаецца ў 1626 годзе^[19]

У былым Жамойцкім старостве каля Крожаў існавала вёска Лембярцішкі^[20].

Глядзіце таксама

• Лянда
• Бэрт