Малая Апіта

Мала́я Апіта́^[1] — вёска ў Геранёнскім сельсавеце Івейскага раёну Гарадзенскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Апіта.

Малая Апіта лац. Małaja Apita
Краіна:	Беларусь
Вобласьць:	Гарадзенская
Раён:	Івейскі
Сельсавет:	Геранёнскі
Насельніцтва:	22 чал. (2009)
Часавы пас:	UTC+3
Тэлефонны код:
Паштовы індэкс:	231338
СААТА:	4229807106
Нумарны знак:	4
Геаграфічныя каардынаты:	54°2′33″ пн. ш. 25°36′28″ у. д.
Малая Апіта на мапе Беларусі ± Малая Апіта Малая Апіта

Гісторыя

У 1690 г. у Ашмянскім павеце Віленскага ваяводзтва існавалі маёнткі, якія адносіліся да Геранёнскай і Ліпнішкаўскай парафій: Апіта-Маслоўшчызна М.Сьвяцкевіча, Апіта-Маслоўшчызна П.Зарзеўскага, Апіта М.Доўгерда, Апіта-Лойбаўшчызна С.Парэцкага, Апіта-Маясоўшчызна яго ж, Апіта-Захараўшчызна Дорняка, Апіта М.Лынкоўскага, Апіта Лятыпскага.

У 2-й палове XIX ст. вёска Апіта ў Ашмянскім павеце Віленскай губэрні. У 1861 г. 45 рэвіскіх душ, у складзе маёнтка Бердаўшчына Ўмястоўскіх. У 1885 г. 64 жыхары. Паводле перапісу 1897 г., вёска, 21 двор, 142 жыхары. У сьнежні 1905 г. адбываліся сялянскія хваляваньні. У 1909 г. 149 жыхароў, 186 дзесяцін зямлі.

У 1921-1939 гг. у Ліпніскай гміне Валожынскага, потым Лідзкага паветаў Наваградзкага ваяводзтва Польшчы. У 1921 г. 31 двор, 147 жыхароў.

У 1940 г. вёска Апіта, 46 двароў, 213 жыхароў. 3 12.10.1940 г. у Сураскім сельсавеце Івейскага раёну. 3 26.6.1941 г. да 7.7.1944 г. пад нямецкай акупацыяй. У лютым 1951 г. арганізаваны калгас «Барацьба за мір», з 1956 г. у калгасе імя Ф.Э. Дзяржынскага, з 1965 г. калгасе імя У.І.Леніна. 3 1963 г. у Жылёўскім, з 1979 г. у Геранёнскім сельсаветах. У 1970 г. вёска Малая Апіта, 149 жыхароў. Потым у складзе калгаса «Сураж». У 1999 г. 27 двароў, 54 жыхары.

Насельніцтва

• 2009 год — 22 чалавекі^[2]
• 1999 год — 54 жыхароў, 27 двароў

Глядзіце таксама

• Апіта