Малое Савіна

Мало́е Са́віна^[3] — вёска ў Дубровенскім раёне Віцебскай вобласьці. Зьяўляецца цэнтрам Маласавінскага сельсавету.

Малое Савіна
трансьліт. Maloje Savina
Былая назва:	Малы Савін[1]
Краіна:	Беларусь
Вобласьць:	Віцебская
Раён:	Дубровенскі
Сельсавет:	Маласавінскі
Насельніцтва:	49 чал. (2010)
Часавы пас:	UTC+3
Тэлефонны код:	+375 2137
Паштовы індэкс:	211057[2]
Нумарны знак:	2
Геаграфічныя каардынаты:	54°35′3.4″ пн. ш. 30°46′54.9″ у. д.
Малое Савіна на мапе Беларусі ± Малое Савіна Малое Савіна

Гісторыя

Вялікае Княства Літоўскае

Вёскі Малое Савіна і Вялікае Савіна ў складзе Аршанскага павету Віцебскага ваяводзтва Вялікага Княства Літоўскага вядома з XVII стагодзьдзя ва ўласнасьці Сапегаў, маёнтак Дуброўна.^[1]

Пад уладай Расейскай імпэрыі

У выніку першага падзелу Рэчы Паспалітай 28 траўня 1772 году Малое Савіна і Вялікае Савіна ў складзе Расейскай імпэрыі, у Аршанскім павеце Магілёўскай губэрні. 9 кастрычніка 1972 году ўтворана Аршанская правінцыя. З 22 сакавіка 1777 году да 10 студзеня 1778 году ў складзе Аршанскага павету Магілёўскай губэрні (Магілёўскае намесьніцтва, 10 студзеня 1778 — 12 сьнежня 1796). З 12 сьнежня 1796 па 27 лютага 1802 году Аршанскім павеце Беларускай губэрні. З 27 лютага 1802 году Малое Савіна ў Аршанскім павеце Магілёўскай губэрні.

26 сьнежня 1861 году мястэчка Горкі перавялі ў стан павятовага гораду й ўтварылі з частак Аршанскага, Магілёўскага й скасаванага Копыскага паветаў Горацкі павет. Малое Савіна апынулася ў складзе Дубровенскай воласьці Горацкага павету.^[4]

У 1910 годзе сяляне валодалі: Малое Савіна 409 дзесяцінамі зямлі, царква — 50 дзесяцінамі зямлі, вёска Вялікае Савіна 614 дзесяцінамі зямлі.^[5] Кожны год ладзіўся кірмаш.

Насельніцтва

• XVIII стагодзьдзе: 1731 год — сяло Малое Савіна і вёска Вялікае Савіна: 103 дома, 356 чалавек.
• XIX стагодзьдзе: 1857 год — сяло Малое Савіна: 151 чалавек і 8 вайскоўцаў; вёска Вялікае Савіна: 246 чалавек.^[6].
• XX стагодзьдзе: 1910 год — сяло Малое Савіна: 69 дамоў, 186 мужчын, 193 жанчыны; вёска Вялікае Савіна: 88 дамоў, 276 мужчын, 258 жанчын^[5]; 1995 год — 58 дамоў, 100 чалавек.
• XXI стагодзьдзе: 2010 год — 49 чалавек;

Страчаная спадчына

• Царква Дабравешчаньня Багародзіцы (XVIII стагодзьдзе). К царкве былі прыпісаны вёскі Загвазьдзіна, Ерамееўшчына, Засьценак Юр'еў.^[1][6][5][7]