Марсэль Шмэльцэр

Марсэль Шмэльцэр (па-нямецку: Marcel Schmelzer; нар. 22 студзеня 1988 году, Магдэбург, НДР) — былы нямецкі футбаліст, абаронца. Часам прыцягваўся да матчаў нацыянальнай зборнай Нямеччыны, разам зь якой браў удзел у чэмпіянаце Эўропы 2012 году.

Марсэль Шмэльцэр
Пэрсанальная інфармацыя
Нарадзіўся	22 студзеня 1988(1988-01-22)[1][2] (37 гадоў) Магдэбург, Нямецкая Дэмакратычная Рэспубліка
Рост	181 см
Вага	77 кг
Пазыцыя	задні абаронца
Клюбы
Гады	Клюб	Гульні (галы)¹
2007—2009	Барусія Дортмунд II	37 (0)
2008—2022	Барусія Дортмунд	258 (3)
Зборныя
2009—2010	Нямеччына (да 21)[d]	11 (0)
2010—2014	Нямеччына	16 (0)

Кар’ера

Раньнія гады

Марсэль пачынаў займацца футболам у сваім родным горадзе Магдэбургу, трэніраваўся спачатку ў «Фартуне», а затым і ў аднайменным клюбе «Магдэбург».

«Барусія»

У 17 гадоў яго заўважыла дортмундзкая «Барусія» й запрасіла ў моладзевую каманду. У 2008 годзе падпісаў прафэсійны кантракт з «Барусіяй». 16 жніўня 2008 году дэбютаваў у Бундэсьлізе, згуляўшы ў выязным матчы першага туру супраць левэркузэнскага «Баеру», які скончыўся перамогай дортмундцаў зь лікам 3:2. Марсэль зьявіўся на поле на 78-й хвіліне, замяніўшы Дэдэ^[3].

Міжнародная кар’ера

Дэбютаваў у складзе зборнай Нямеччыны 17 лістапада 2010 году ў таварыскай гульні супраць зборнай Швэцыі ў Гётэборгу (0:0). Акрамя яго ў матчы ўдзельнічалі ягоныя напарнікі па «Барусіі» Матс Гумэльс, Марыё Гёцэ й Кевін Гроскройц.

Дасягненьні

«Барусія»:

• Чэмпіён Нямеччыны: 2011, 2012
• Уладальнік Кубка Нямеччыны: 2012, 2017, 2021
• Уладальнік Супэркубка Нямеччыны: 2013, 2014, 2019