Масаляны

Масаля́ны^[1] — вёска ў Бераставіцкім раёне Гарадзенскай вобласьці. Масаляны ўваходзяць у склад Алекшыцкага сельсавету.

Масаляны
трансьліт. Masaliany
Краіна:	Беларусь
Вобласьць:	Гарадзенская
Раён:	Бераставіцкі
Сельсавет:	Алекшыцкі
Вышыня:	122 м н. у. м.
Насельніцтва:	570 чал. (2010)
Часавы пас:	UTC+3
Тэлефонны код:	+375 1511
Паштовы індэкс:	231788
СААТА:	4204830061
Нумарны знак:	4
Геаграфічныя каардынаты:	53°21′4″ пн. ш. 24°1′25″ у. д.
Масаляны на мапе Беларусі ± Масаляны Масаляны
Галерэя здымкаў у Вікісховішчы

Гісторыя

У 1662 г. згадваецца ў складзе Гарадзенскага павету ВКЛ^[2].

У 1919—1939 гадах — у складзе Польскай Рэспублікі. У 1919—1922 гадах — цэнтар гміны ў Гарадзенскім павеце Беластоцкага ваяводзтва. У выніку пакту Молатава — Рыбэнтропа і нападу СССР на Польшчу 17 верасьня 1939 году, занята савецкімі войскамі.

18 верасьня 1939 году ў маёнтку Масаляны зьявілася група камуністаў і бандытаў, якой кіраваў Язэп Гаўрылюк, з мэтай забойства ўладальніка маёнтку, ардыната Яна Бісьпінга, а таксама рабунку каштоўнасьцяў з маёнтку. Мясцовыя жыхары аднак папярэдзілі пана пра небясьпеку ад савецкіх бандаў, дзякуючы чаму яму і яго сям’і атрымалася зьбегчы папярэдняй ноччу. Жыхары Масалянаў сфармавалі вясковы камітэт, які абараніў маёнтак і прымусіў банду Гаўрылюка хутка зьехаць^[3].

2 лістапада 1939 году вёска апынулася ў складзе Беларускай ССР. З 1991 году ў складзе незалежнай Беларусі.

Насельніцтва

• 1999 год — 665 жыхароў
• 2010 год — 570 жыхароў

Інфармацыя для турыстаў

Сядзіба Бісьпінгаў на малюнку Напалеона Орды, 1860—1877 гады

Помнікі архітэктуры

• Капліца Ўнебаўзяцьця Найсьвяцейшай Панны Марыі
• Царква Нараджэньня Божай Маці

Страчаная спадчына

• Палац Бісьпінгаў