Мінатор-Сэрвіс

«Мінатор-Сэрвіс» — прадпрыемства Беларусі, разьмешчанае ў Менску й якое займаецца распрацоўкаю, вытворчасьцю, мадэрнізацыяю, рамонтам і абслугоўваньнем баявых гусенічных машынаў, а таксама пастаўкаю запасных часткаў для апошніх.

«Мінатор-Сэрвіс»
Тып	унітарнае прадпрыемства
Заснаваная	1991
Краіна	Беларусь
Разьмяшчэньне	Менск
Адрас	Радыяльная вул., д. 40
Галіна	навукова-дасьледчыя й дасьведчана-канструктарскія працымашынабудаваньне,
Прадукцыя	бронетэхніка, самаходная тэхніка ваеннага прызначэньня, запчасткі
Паслугі	абслугоўваньне й рамонт баявых машынаў
minotor-service.by

Зьяўляецца адным зь вядучых прадпрыемстваў ваенна-прамысловага комплексу краіны^[1]. Па ўласнай заяве «Мінатор-Сэрвіс», на сёньняшні дзень яно зьяўляецца адзіным беларускім прадпрыемствам, якое выконвае сэрыйны рамонт і абслугоўваньне ваеннае тэхнікі па замове Міністэрства абароны Расейскае Фэдэрацыі.

Прадукцыя

Распрацоўка

• БРДМ 2Т — баявая выведвальная машына/лёгкі танк.
• ТГМ 3Т — хуткаходнае гусенічнае шасі.
• ИМТ-72 — імітацыйны макет танку Т-72.
• ТМПК — транспартная машына пярэдняга краю на базе МТ-Ілбу.
• ППМП — перасоўны пункт медыцынскае дапамогі на базе МТ-Ілбу.
• ГЛ-120 — самаходны мінамёт на базе МТ-Ілбу.
• ТЗМ-122 — транспартна-зараджалая машына на базе МТ-Ілбу.
• МТП-300Т — машына тэхнічнае дапамогі.
• БМ-30 — аднамесны баявы модуль.
• СТК-59ГМС — перасоўны зварачна-тэхналягічны комплекс на базе АТС-59Г.
• Машына тэхнічнае дапамогі

Мадэрнізацыя

• Мадэрнізацыя БТР-70 і стварэньне машынаў на яго базе.
• Мадэрнізацыя БТР-50ПК, БТР-50ПУ і ПТ-76.
• Мадэрнізацыя ЗСУ-23-4 «Шылка».

Запчасткі

Прадпрыемства вырабляе запасныя часткі для наступных машынаў і сыстэмаў:

• Танкаў ПТ-76, Т-54/55, Т-62 і Т-72.
• БМП-1 і БМП-2.
• Бронетранспарцёраў БТР-50, БТР-60, БТР-70 і БТР-80, MT-ЛБ і MT-Ілбу.
• Артылерыйскіх цягачоў АТС-59 і АТС-59Г.
• Грузавых самаходаў ЗІЛ-130, ЗІЛ-131, МАЗ-543, Урал-375.
• Пантонных сыстэмаў ГСП і ПТС-М.
• Радыёлякатараў.
• ЗСУ-23-4 «Шылка», ЗРПК 2К22 «Тунгуска», ЗРК «Волга», «Нява»/«Печора», «Куб» і «Страла-10».

Удзел у выставах

• IDEX-1999
• МАКС-1999
• IDEX-2001
• MILEX-2001
• IDEX-2003
• SOFEX-2004
• MILEX-2005
• MILEX-2007
• MILEX-2009
• ВТТВ-Омск-2009

Санкцыі

У 2022 годзе прадпрыемства трапіла у сьпіс спэцыяльна вызначаных грамадзянаў і заблякаваных асобаў ЗША, а таксама ў санкцыйныя сьпісы Аўстраліі, Вялікабрытаніі, Канады, Новай Зэляндыі, Швайцарыі, Украіны, Эўрапейскага Зьвязу ды Японіі^[2].