Міркель

Міркель (Міркуль, Мэркель, Мэрхель), Мархіль (Маркель) — мужчынскае імя і вытворнае ад яго прозьвішча.

Merkel
Паходжаньне
Мова(-ы)	германскія
Утворанае ад	Marcho + суфікс з элемэнтам -л- (-l-)
Іншыя формы
Варыянт(ы)	Мэркель, Мэрхель, Мархіль, Маркель, Міркуль
Вытворныя формы	Маргела
Зьвязаныя артыкулы
якія пачынаюцца з «Міркель»

Паходжаньне

Асноўны артыкул: Імёны ліцьвінаў

Мархіла, пазьней Мэркіль або Мэркель (Marchilo, Merkil^[1], Merkel^[2]) — імя германскага паходжаньня^[3]. Іменная аснова -марх- (-марк-, -мерк-) паходзіць ад гоцкага marh 'конь'^[4]. Сярод ліцьвінаў бытавалі імёны Маркальд, Маргер. Адзначаліся германскія імёны Marcold, Margger.

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў March, Merkiel (Markiel), Merkelinus (Merklinus), Markwal, Markward^[5].

У 1623 годзе ў Каралявецкім унівэрсытэце навучаўся Georgius Marck, Insterburgensis Borussus, у 1649 годзе — Christophorus Marquardt, Salfeldensis Borussus^[6].

Варыянты імя ў гістарычных крыніцах: бояр нашых Жыжморского повету… а в Добка Миркелевича, а в братаничов его, Богдана а Кгрикгора Ходкевичовъ (4 сьнежня 1517 году)^[7]; Балтромей Мирклевичъ (1567 год)^[8]; Merkielewicz (9 лютага 1784 году)^[9]; Magdalena Markiel (1798 год)^[10]; Georgium Merkiel (24 ліпеня 1800 году)^[9]; Krystyna Marchil (1801 год)^[10][a].

Носьбіты

• Добка Міркелевіч — жыжмарскі баярын, які ўпамінаецца ў 1517 годзе
• Мацьвей Меркель — селянін з ваколіцаў Шаўляў, які меў у валоданьні зямлю на 1889 год^[13]

Мэркелі (Merkiel) і Міркулевічы (Mirkulewicz) — літоўскія шляхецкія роды зь Вільні^[14].

Мэрхелевічы або Мэрхілевічы (Merchelewicz, Merchilewicz^[15]) гербу Рудніца — літоўскі шляхецкі род^[16].

Маркуловічы (Markułowicz) — літоўскі шляхецкі род зь Віленскага павету^[17].

Маркель (Markiel) і Маркелевіч (Markielewicz) — прозьвішчы, зафіксаваныя ў XIX стагодзьдзі ў ваколіцах Сувалкаў^[18].

На 1903 год існавалі сялібы: Маркелішкі ў Вількамірскім павеце і Меркелішкі ў Расенскім павеце Ковенскай губэрні^[19].

Назву Мірклішкі маюць вёскі на гістарычнай Ашмяншчыне.

Заўвагі

1. Таксама:

   • Маргун (адзанчалася старажытнае германскае імя Marchuni^[11]): на гістарычнай Ашмяншчыне існавала вёска Маргунішкі^[12]