Міхалёў (Гомельская вобласьць)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Міхалёў, Міхалёва, Нарыманаў.

Міхалёў
трансьліт. Michalioŭ[a]
Першыя згадкі:	1795
Краіна:	Беларусь
Вобласьць:	Гомельская
Раён:	Хвойніцкі
Сельсавет:	Алексіцкі
Часавы пас:	UTC+3
Тэлефонны код:	+375 2346
СААТА:	3254804036
Нумарны знак:	3
Геаграфічныя каардынаты:	51°58′9″ пн. ш. 29°41′0″ у. д.
Міхалёў на мапе Беларусі ± Міхалёў Міхалёў
Галерэя здымкаў у Вікісховішчы

Міхалёў (з 1929 году — Нарыманаў^[1]) — былы пасёлак у Беларусі, каля вытокаў ракі Тур'і. Уваходзіў у склад Алексіцкага сельсавету Хвойніцкага раёну Гомельскай вобласьці. Афіцыйна існаваў да 20 верасьня 2011 году^[2].

Гісторыя

Двор Міхалёў на схематычным пляне Рэчыцкага павету 1800 г.

У 1782 годзе пан Багуслаў Леапольд Аскерка адпаведным тэстамэнтам падзяліў свае разьлеглыя ўладаньні паміж сынамі^[3]. У дакумэнце «Камеральное описание пришедшей от Минской и Волынской губернии к Черниговскому наместничеству части и устроенной в ней Речицкой округи» 1796 году, які складзены паводле расейскай рэвізіі 1795 года, паведамляецца, што «Михайле Оскирке порутчику польскому…» належалі «двор Михалёв, деревня Моклище, село Старч, деревня Мутижер»^[4]. У шляхецкай рэвізіі 1811 году пацьверджана і дададзена: пан Міхал Аскерка^[c] і яго сыны Альбін, Вікенці, Ян Антоні, Эразм былі ўладальнікамі двара Міхалёў, паселішчаў Старч, Муціжар, Маклішча, у якіх налічвалася 130 душ падданых мужчынскага полу^[5].

На 1876 год Міхалёў — маёнтак у Юравіцкай воласьці Рэчыцкага павету Менскай губэрні, уласнасьць паноў Александровічаў. У 1889 годзе добрамі Міхалёў у 3704 дзесяціны зямлі валодала купецкая ўдава Баглей Марфа Аляксандраўна^[6]. У 1909 годзе у фальварку Міхалёў 1 двор з 16 жыхарамі^[7].

Міхалёў, Алексічы, Глінішча, Каранёўка на мапе 1924 г.

У 1926 годзе Міхалёў альбо Нарыманаў-Міхалёўскі — пасёлак у Маклішчанскім сельсавеце Юравіцкага раёну Рэчыцкай, ад 9 чэрвеня 1927 году Мазырскай акругі, а з 10 лістапада 1927 году ў Алексіцкім сельсавеце тых жа раёну і акругі (да 26 чэрвеня 1930 году), ад 8 ліпеня 1931 году ў Хвойніцкім раёне, з 20 лютага 1938 году ў Палескай, ад 8 студзеня 1954 году ў Гомельскай вобласьці. У 1932 годзе існаваў калгас «Нарыманаў», які складалі 7 сем'яў калгасных гаспадароў, а апрацоўвалі яны 131 га зямлі.

Насельніцтва

Дынаміка

• 1897 год — у фальварку 14 жыхароў (паводле перапісу).
• 1909 год — 16 жыхароў.
• 1926 год — 11 гаспадарак, 44 жыхары.
• 1959 год — 106 жыхароў (згодна зь перапісам).
• 1970 год — 101 жыхар.
• 2004 год — жыхароў няма.

Заўвагі

Надмагільная пліта з фамільнага склепу Аскеркаў паблізу двара Глінішча.

1. Паводле афіцыйнай назвы — Narymanaŭ
2. Год сьмерці паручніковай Евы з Дамброўскіх запісаны асобна ад імя, у ніжняй частцы тэксту, побач з годам судзьдзёвай рэчыцкай (жокі Альбіна). У тым жа 1811 г. нарадзіўся іх малодшы сын Эразм Антоній. Магчымая сувязь нараджэньня і спачыну.
3. Міхал Аскерка спачыў у 1823 годзе, што засьведчана надпісам на надмагільнай пліце з фамільнага склепу нашчадкаў харунжага мазырскага Багуслава Аскеркі і яго дзьвюх жонак Ганны з роду Бандынэлі, Крыстыны з роду Лянкевічаў, які месьціўся паблізу сяла Алексічы і вёскі Глінішча на сучаснай Хойнікшчыне. Тут пахаваныя таксама жонка Міхала Ева з Дамброўскіх (†1811^[b]), сын Альбін (1782—1845), неназваная жонка Альбіна, судзьдзі рэчыцкага, (†1882), дачка Альбіна Ганна (1827—1843).