Міхась Бельскі

Міха́сь Бе́льскі (21 верасьня 1921, Сянно — 29 красавіка 1988, Менск) — беларускі мастак, графік^[1].

Вікіпэдыя мае артыкулы пра іншых асобаў з прозьвішчам Бельскі.

Міхась Бельскі
Імя пры нараджэньні	Міхаіл Лявонцевіч Бельскі
Дата нараджэньня	21 верасьня 1921(1921-09-21)
Месца нараджэньня	Сянно, Віцебская губэрня, РСФСР
Дата сьмерці	29 красавіка 1988(1988-04-29) (66 гадоў)
Месца сьмерці	Менск, БССР, СССР
Месца вучобы	Дніпроўскі тэатральна-мастацкі каледж[d] (1941) Нацыянальная акадэмія выяўленчага мастацтва і архітэктуры[d] (1952)
Занятак	графік, мастак
Месца працы	Менскі дзяржаўны мастацкі каледж імя Аляксея Глебава Беларускі політэхнічны інстытут
Сябра ў	Беларускі саюз мастакоў
Жанры	станковая графіка[d] і кніжная ілюстрацыя[d]

Жыцьцяпіс

Навучаўся ў Днепрапятроўскае мастацкае вучэльні, якую скончыў у 1941 годзе. У 1941—1945 гадах — удзельнік Вялікай Айчыннай вайны. З 1946 па 1952 год навучаўся ў Кіеўскім мастацкім інстытуце ў І. Пляшчынскага і А. Шаўкуненкі. Удзельнічаў у мастацкіх выставах у Кіеве з 1947 году^[2]. Вучань Васіля Касіяна, Тацьцяны Яблонскай, Георгія Меліхава. Выкладаў у Менскае мастацкае вучэльні (1952—1956). Больш за трыццаць гадоў выкладаў у Беларускім політэхнічным інстытуце (1956—1987). Сябра Саюзу мастакоў БССР з 1954 году^[3].

Творчасьць

Працаваў у галіне кніжнай і станкавай графікі ў тэхніцы акварэлі, афорту, літаграфіі і ксілаграфіі^[3].

Выбраныя працы

• «Халодны дзень» (1953, акварэль)
• «Зямля сялянам» (1957, гістарычны музэй, Менск)
• «Стары і новы Менск» (1959, мастацкі музэй, Менск)
• «Стары Менск» (трыпціх, 1979, каляровая папера, вугаль, гуаш)
• Ілюстрацыі да кнігаў А. Капыленкі «Петраградзкі хлопчык» (1950), М. Лужаніна «Хто робіць надвор’е», П. Яршова «Канёк-гарбунок» (1954)^[2]

Купаліяна

Ілюстрацыі да вершаў Янкі Купалы

«Алеся» «Восень» («Эй, восень, восень…») «Дзьве сястры» «Кароль» «Крыжы» «На старую ноту»

«Не кляніце мяне» «Партызаны» «Песьня сіроткі» «Праз вайну» «Ці ты ўзойдзеш калі, сонца»[4]

Ілюстрацыі да паэмаў Янкі Купалы

• «Курган»
• «Бандароўна»
• «Магіла льва»
• «Над ракою Арэсай»
• «Тарасова доля»^[4]

Іншыя працы

• Партрэт Янкі Купалы (акварэль)
• «Хата Луцэвічаў у вёсцы Вязынка» (1952)^[4]