Падкосьсе

Падко́сьсе^[1] — вёска ў Пухавіцкім раёне Менскай вобласьці Беларусі. Уваходзіць у склад Пухавіцкага сельсавету.

Падкосьсе
трансьліт. Padkossie
Краіна:	Беларусь
Вобласьць:	Менская
Раён:	Пухавіцкі
Сельсавет:	Пухавіцкі
Насельніцтва:	27 чал. (2009)
Часавы пас:	UTC+3
Тэлефонны код:	+375 1713
Нумарны знак:	5
Геаграфічныя каардынаты:	53°32′16″ пн. ш. 28°28′7″ у. д.
Падкосьсе на мапе Беларусі ± Падкосьсе Падкосьсе

Знаходзіцца за 14 км на ўсход ад Мар’інай Горкі і чыгуначнай станцыі Пухавічы лініі Менск-Асіповічы.

Гісторыя

У пачатку 20 стагодзьдзя ваколіца Пухавіцкай воласьці Ігуменскага павету Менскай губэрні.

У Першую сусьветную вайну ў лютым — сьнежні 1918 году была пад акупацыяй войскаў кайзэраўскай Нямеччыне.

25 сакавіка 1918 году згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 году ў адпаведнасьці з пастановай І з’езду КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

На пачатку 1930-ых гг. створаны калгас "Ленінскі шлях", працавала кузьня.

З чэрвеня 1941 году да 4 ліпеня 1944 году вёска была пад нямецкай акупацыяй. 11 лістапада 1942 году у раёне вёскі праходзіла Альберт II (апэрацыя) супраць савецкіх партызан^[2]. У 1943 годзе вёска спалена, было забіта 2 жыхара.

Да 29 чэрвеня 2006 году вёска ўваходзіла ў склад Чырвонакастрычніцкага сельсавету^[3].

Насельніцтва

• пачатак XX ст. — 23 двары, 143 жыхары
• 1917 год — 36 двароў, 175 жыхароў
• 2002 год — 33 двары, 55 жыхароў
• 2009 год — 27 чалавек^[4]