Пакроўка (Гомельская вобласьць)

Пакро́ўка^[1] — колішні хутар у Парыцкай воласьці Бабруйскага павету, пазьней Чыркавіцкага сельсавету, праіснаваў да 1939 году.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Пакроўка.

Пакроўка
трансьліт. Pakroŭka
Краіна:	Беларусь
Вобласьць:	Гомельская
Раён:	Шацілавіцкі
Сельсавет:	Чыркавіцкі
Часавы пас:	UTC+3
Тэлефонны код:	+375 2342
Нумарны знак:	3
Геаграфічныя каардынаты:	52°40′38″ пн. ш. 29°35′10″ у. д.
Пакроўка на мапе Беларусі ± Пакроўка Пакроўка

Гісторыя

Упершыню адзначаны на мапе пад 1876 г., у апублікаваным «Атласе» генэрал-лейтэнанта Аляксея Афінагенавіча Ільіна (1832—1889)^[2]. Таксама ўзгадваецца пад 1887 годам у «Слоўніку геаграфічным Каралеўства Польскага і іншых зямель славянскіх», як карчма ў павеце Бабруйскім, пры гасьцінцы з Парычаў да Якімаўскай Слабады, паміж вёскамі Ракшын і Чыркавічы, у Парыцкай воласьці^[3]. У 1920-х гадах ператварыўся ў пасёлак, які складаўся зь дзьвюх частак. Па перапісе 1926 году вядома, што ў пасёлку Пакроўка 1-я (5 гаспадарак і 31 жыхар) ды Пакроўка 2-я (7 гаспадарак і 33 жыхары). Пасёлкі маюць вытворчасьць па рабленьні цэглы.^[4] У часы калектывізацыі сельскай гаспадаркі (1939 год) сьселены ў вёску Чыркавічы^[5].

Ураджэнцы

• Пятро Стэфаноўскі (1903—1976) — Герой Савецкага Саюзу (1948), лётчык-выпрабавальнік 1 клясы, генэрал-маёр авіяцыі (1944), аўтар сусьветнага рэкорду вышыні палёту на плянэры (10 360 мэтраў) і трох кніг успамінаў і публіцыстыкі, як лётчык-выпрабавальнік засвоіў больш за 300 новых самалётаў.