Ператуць

Перату́ць (Рудзіца) — рака ў Беларусі, правы прыток ракі Вусы (верхні прыток Нёману). Цячэ ў Койданаўскім і Ўзьдзенскім раёнах Менскай вобласьці. Даўжыня 44 км. Плошча вадазбору 344 км². Выдатак вады ў вусьці 2,2 м³/с. Сярэдні нахіл воднай паверхні 0,8‰.

Рака

Ператуць лац. Pieratuć
Агульныя зьвесткі
Выток	каля в. Лучыцащ
Вусьце	Вуса
Краіны басэйну	Беларусь
Вобласьці	Менская вобласьць
Даўжыня	44 км
Сярэднегадавы сьцёк	2,2 м³/с
Плошча басэйну	344 км²
Нахіл воднай паверхні	0,8 ‰
Галерэя здымкаў у Вікісховішчы

Асноўныя прытокі

Прытокі — Карачунка, Самацеч, Сініцкая, Еленка, Нецечка, Безназоўны ручай, мэліярацыйныя каналы.

Агульныя зьвесткі

Пачынаецца за 1,4 км на паўночны захад ад вёскі Лучыцаў Койданаўскага раёну, цячэ празь невялікія лясныя масівы паўднёвымі схіламі Менскага ўзвышша, мястэчка Негарэлае, упадае ў Вусу на 3 ад вёскі Кухтычаў Узьдзенскага раёну.

Даліна на вялікім працягу невыразная, месцамі трапэцападобная. Абалона пераважна роўная, месцамі пад хмызьняком. Рэчышча ў верхняй плыні і на асобных дзялянках сярэдняй плыні каналізаванае, яго шырыня 8—10 м, зрэдку да 15 м^[1].

Рэжым Ператуці вывучаўся ў 1945—1948 гадох. З 1967 году назіраньні вядуцца на гідралягічным пасту Гарадзішчанскай мэтэаралягічнай станцыі (Негарэльскі сельсавет)^[2].