Праўдзінскі

Пра́ўдзінскі^[2] — мястэчка ў Беларусі, на рацэ Пцічы. Уваходзіць у склад Пухавіцкага раёну Менскай вобласьці. Насельніцтва на 2018 год — 2255 чалавек^[1]. Знаходзіцца за 23 км ад Мар’інай Горкі, за 12 км ад чыгуначнай станцыі Рудзенск.

Праўдзінскі
трансьліт. Praŭdzinski
Краіна:	Беларусь
Вобласьць:	Менская
Раён:	Пухавіцкі
Вышыня:	177 м н. у. м.
Насельніцтва:	2255 чал. (2018)[1]
Часавы пас:	UTC+3
Тэлефонны код:	+375 1713
Паштовы індэкс:	222839
СААТА:	6244555000
Нумарны знак:	5
Геаграфічныя каардынаты:	53°31′23″ пн. ш. 27°49′37″ у. д.
Праўдзінскі на мапе Беларусі ± Праўдзінскі Праўдзінскі
Галерэя здымкаў у Вікісховішчы

Гісторыя

Паселішча ўзьнікла ў 1966—1968 гадох у зьвязку з будаваньнем торфапрадпрыемства. Першыя пасяленцы жылі на кватэрах у суседніх населеных пунктах (запасы тарфянога радовішча «Арэхаўскі мох» былі выведаныя ў 1961 годзе). Першы торф на электрастанцыі пачалі адгружаць у 1968 годзе. У 1969 годзе пачаў працаваць брыкетны завод.

Цяперашнюю сваю назву Праўдзінскі атрымаў 11 сакавіка 1977 году, а 29 лістапада 1977 году — афіцыйны статус пасёлку гарадзкога тыпу. Да 28 траўня 2013 году — цэнтар Праўдзінскага пасялковага савету. 28 траўня 2013 году Праўдзінскі пасялковы савет быў ліквідаваны^[3].

Насельніцтва

Дэмаграфія

• XX стагодзьдзе: 1998 год — 2811 чал.^[4]; 1999 год — 2,7 тыс. чал.; 2000 год — 2,7 тыс. чал.^[5]
• XXI стагодзьдзе: 1 студзеня 2002 году — 2,8 тыс. чал.^[6]; 2006 год — 2,9 тыс. чал.; 2010 год — 2,4 тыс. чал.; 2016 год — 2288 чал.^[7]; 2017 год — 2283 чал.^[8]; 2018 год — 2255 чал.^[1]

Адукацыя

У Праўдзінскім працуюць дашкольная ўстанова, сярэдняя і музычная школы, прафэсійна-тэхнічная вучэльня.

Мэдыцына

Мэдычнае абслугоўваньне насельніцтва ажыцьцяўляе местачковая лякарня.

Культура

Дзейнічаюць 2 бібліятэкі, палац культуры.

Эканоміка

Прадпрыемствы: торфабрыкетны завод «Сяргеевіцкі», экспэрымэнтальная база «БелНДІпалівапраект», будаўнічая арганізацыя ПМК.