Прэзгінт

Прэзгінт (Брозгінт), Прыжгінт (Брызгінд, Брышгінт) — мужчынскае імя і вытворнае ад яго прозьвішча.

Паходжаньне
Мова(-ы)	германскія
Утворанае ад	Brezzo + Gentt
Іншыя формы
Варыянт(ы)	Брозгінт, Брызгінд, Прыжгінт
Зьвязаныя артыкулы
якія пачынаюцца з «Прэзґінт»

Паходжаньне

Асноўны артыкул: Імёны ліцьвінаў

Брэза (Brezzo) і Гент (Gentt) — імёны германскага паходжаньня^[1][2]. Іменная аснова прэз- (проз-, прош-) (імя ліцьвінаў Прышмонт, германскае імя Prosmund) паходзіць ад старагерманскага proz 'каштоўнасьць, шляхетнае каменьне'^[3], а аснова -генд- (-гент-, -гінт-) (імёны ліцьвінаў Гінтэр, Агінт, Эйгінт; германскія імёны Genter, Aginto, Eigint) — ад гоцкага gands 'посах', пераноснае 'чары'^[4]. Такім парадкам, імя Прэзгінт азначае «каштоўныя чары»^[5].

Варыянты імя ў гістарычных крыніцах: Zastold cum Przezhgindo fratre germano (18 студзеня 1401 году)^[6]; Се азъ, воевода полочькии Прижкинтъ (1402—1404 гады)^[7]; у Кнетове чоловекъ Прижкгинтъ (1440—1492 гады)^[8]; чоловеков в Дорсунишках… а Енка, а Толтыка Прижкгиновичов (26 лютага 1515 году)^[9]; Elżbieta Briszgint (1659 год)^[10]; Felicyan Jozef na Kemborach Pryzginach Pryzgintt (27 жніўня 1764 году)^[11]; Franciszek Priszgint (10 лютага 1779 году)^[12]; Jerzy Bryzgind^[13], Jerzy Prizgint… Franciszek Pryzgint^[14], Franciszek Pryzgint… Paweł Pryzgint… Jerzy Pryzgint^[15] (21 жніўня 1780 году); Franciszek Pryzgint^[16], Jerzy Pryzgint^[17] (9 лютага 1785 году); Felicjan Pryzgint, porucznik i deputat z Ksiestwa Żmudzkiego (1786 год)^[18]; Jerzy Brozgint (9 лютага 1791 году)^[19].

Носьбіты

• Прэзгінт († па 1404)  — дзяржаўны дзяяч Вялікага Княства Літоўскага, намесьнік полацкі

Прызгінты (Pryżgint, Pryzgint) — літоўскія шляхецкія роды зь Вільні, Ашмянскага і Лідзкага паветаў^[20].

На 1903 год існаваў засьценак Прызгенцішкі ў Вількамірскім павеце Ковенскай губэрні^[21].