Пяскі (Голацкі сельсавет)

Пяскі́^[1] (таксама Пя́скі^[1]) — вёска ў Пухавіцкім раёне Менскай вобласьці Беларусі. Уваходзіць у склад Голацкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Пяскі.

Пяскі
трансьліт. Piaski
Краіна:	Беларусь
Вобласьць:	Менская
Раён:	Пухавіцкі
Сельсавет:	Голацкі
Насельніцтва:	75 чал. (2009)
Часавы пас:	UTC+3
Тэлефонны код:	+375 1713
Нумарны знак:	5
Геаграфічныя каардынаты:	53°43′0.199″ пн. ш. 27°48′10.699″ у. д.
Пяскі на мапе Беларусі ± Пяскі Пяскі
Галерэя здымкаў у Вікісховішчы

Знаходзіцца за 50 кілямэтраў на паўночны захад ад Мар’інай Горкі, 6 км ад чыгуначнай прыпыначнага пункту Седча лініі Менск-Асіповічы.

Гісторыя

У пачатку 20 ст. у Пярэжырскай воласьці Ігуменскага павету Менскай губэрні.

У Першую сусьветную вайну ў лютым — сьнежні 1918 году была пад акупацыяй войскаў кайзэраўскай Нямеччыне.

25 сакавіка 1918 году згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 году ў адпаведнасьці з пастановай І з’езду КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

Пасля рэвалюцыі адкрыта працоўная школа 1-ай ступені. У 1933 г. быў створаны калгас «Чырвоная Беларусь».

З чэрвеня 1941 г. да пачатку 4 ліпеня 1944 г. вёска была пад нямецкай акупацыяй.

Насельніцтва

• Пачатак ХХ ст. — 38 двароў, 388 жыхароў
• 1917 год — 41 двор, 298 жыхароў
• 2009 год — 75 чалавек^[2]