Радзівілаў (Украіна)

Радзівілаў (па-ўкраінску: Радивилів) — места ў Ровенскай вобласьці Ўкраіны, на рацэ Слонаўцы. Адміністрацыйны цэнтар Радзівілаўскага раёну. Насельніцтва на 2024 год — 10 000 чал.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Радзівілаў (неадназначнасьць).

Радзівілаў лац. Radziviłaŭ
укр. Радивилів
Герб Радзівілава Сьцяг Радзівілава
Першыя згадкі:	1564
Краіна:	Украіна
Вобласьць:	Ровенская
Раён:	Радзівілаўскі
Плошча:	6,94 км²
Вышыня:	221 м н. у. м.
Насельніцтва ([[2022[1]]])
колькасьць:	10 427 чал.
шчыльнасьць:	1502,45 чал./км²
Часавы пас:	UTC+2
летні час:	UTC+3
Тэлефонны код:	+380-3633
Паштовыя індэксы:	35500—35508
КОАТУУ:	5625810100
Геаграфічныя каардынаты:	50°8′0″ пн. ш. 25°15′0″ у. д.
Радзівілаў на мапе Ўкраіны Радзівілаў
Галерэя здымкаў у Вікісховішчы
http://mrada.ucoz.ua/

Знаходзіцца за 102 км ад Роўна, чыгуначная станцыя на лініі Красьне — Здалбунаў.

Этымалёгія назвы

Места атрымала назву ў гонар свайго заснавальніка — Мікалая Радзівіла «Чорнага». За савецкім часам населены пункт насіў назву Чырвонаармейск.

Гісторыя

Мікалай Радзівіл Чорны

• 1564: першы пісьмовы ўспамін пра паселішча, у Вялікім Княстве Літоўскім; валоданьне Мікалая Радзівіла Чорнага.
• 1565/66: у Валынскім ваяводзтве.
• 1568: у Радзівілаве пісар Францішак склаў Радзівілаўскі Апостал.
• 1569: згодна з умовамі Люблінскай уніі перайшоў да Каралеўства Польскага.
• 1775: у мястэчку было 146 будынкаў.
• 1795: у выніку трэцяга падзелу Рэчы Паспалітай апынуўся ў складзе Расейскай імпэрыі, у Валынскай губэрні.
• 1870: атрымаў статус места.
• 1873: чыгунка злучыла Радзівілаў са Здалбунавам.
• 1921: згодна з Рыскай мірнай дамовай увайшоў у склад міжваеннай Польскай Рэспублікі, у Дубенскім павеце Валынскага ваяводзтва.
• 1939: у складзе Ўкраінскай ССР.
• 1940: бальшавікі перайменавалі Радзівілаў у Чырвонаармейск.
• 30 чэрвеня 1941 — 19 сакавіка 1944: знаходзіўся пад нямецкай акупацыяй.
• 1993: Вярхоўная Рада Ўкраіны вярнула месту гістарычную назву.

Насельніцтва

• XIX стагодзьдзе: 1870 год — 2864 чал., зь іх 79% юдаістаў.^[2]
• XX стагодзьдзе: 1910 год — 14,6 тыс. чал.; 1991 год — 10,8 тыс. чал.^[3]
• XXI стагодзьдзе: 2006 год — 10 190 чал.

Эканоміка

Мікрараён савецкіх часоў

Прадпрыемствы дрэваапрацоўчай і шавецкай прамысловасьці.

Асобы

• Багдан Баднарскі (1874—1968) — кнігазнавец, бібліёграф
• Фёдар Бортнік (1911—2002) — краязнавец, палітычны вязень
• Мікола Гірс (1820—1895) — міністар замежных справаў Расейскай імпэрыі
• Герман Жукоўскі (1913—1976) — украінскі кампазытар
• Юры Кірычук (1956—2002) — украінскі гісторык