Руднікі (Берасьцейская вобласьць)

Ру́днікі^[2] — вёска ў Пружанскім раёне Берасьцейскай вобласьці, за 18 км на поўнач ад Пружанаў, 113 км ад Берасьця, 30 км ад чыгуначнай станцыі Аранчыцы на лініі Баранавічы — Берасьце. Уваходзіць у склад Мокраўскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Руднікі.

Руднікі
трансьліт. Rudniki
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Мокраўскі
Вышыня:	155 м н. у. м.
Насельніцтва:	193 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225147[1]
СААТА:	1256845096
Нумарны знак:	1
Геаграфічныя каардынаты:	52°40′3″ пн. ш. 24°30′50″ у. д.
Руднікі на мапе Беларусі ± Руднікі Руднікі
Галерэя здымкаў у Вікісховішчы

Мінуўшчына

За расейскім часам — цэнтар воласьці Пружанскага павету Гарадзенскай губэрні^[3]. Валасное праўленьне, праваслаўная царква, 10 двароў, 143 мяшканцы^[4]. У 1897 року 27 двароў, 196 жыхароў; народная вучэльня, лячэбніца, лаўка, карчма.

За польскім часам — у гміне Руднікі Пружанскага павету Палескага ваяводзтва^[5].

З 15 студзеня 1940 — у складзе Пружанскага раёну Берасьцейскай вобласьці БССР, цэнтар сельсавету (12 лістапада 1940—1962).

Насельніцтва

• XX стагодзьдзе: 1970 год — 125 жыхароў; 1999 год — 174 жыхары
• XXI стагодзьдзе: 2003 год — 184 жыхары, 63 двары; 2005 год — 198 жыхароў, 70 двароў^[6]; 2010 год — 193 жыхары

Інфраструктура

Сярэдняя школа, Дом культуры, бібліятэка, ФАП, комплексны прыёмны пункт бытавога абслугоўваньня, 2 крамы, вэтпункт.

Транспарт

Аўтамабільныя дарогі Н529 Калядзічы — Ражковічы — Ляжайка і Н557 Руднікі — Краснае^[7].

Турыстычная інфармацыя

• Царква Покрыва Найсьвяцейшай Багародзіцы^[8] (XIX стагодзьдзе)
• Курганны могільнік
• Братэрская магіла (1941—1944)

Асобы

• Іван Саланевіч — пісьменьнік, публіцыст, выдавец, філёзаф, гісторык, грамадзкі дзяяч