Саміла

Саміла (Суміла, Сумела, Сумель, Шуміла, Шумель) — мужчынскае імя і вытворнае ад яго прозьвішча.

Sumila
Паходжаньне
Мова(-ы)	германскія
Утворанае ад	Sumo + суфікс з элемэнтам -л- (-l-)
Іншыя формы
Варыянт(ы)	Суміла, Сумела, Сумель, Шуміла, Шумель
Зьвязаныя артыкулы
якія пачынаюцца з «Саміла»

Паходжаньне

Асноўны артыкул: Імёны ліцьвінаў

Суміла (Sumila, *Sumilo^[1]) — імя германскага паходжаньня^[2]. Іменная аснова сом- (сум-) (імёны ліцьвінаў Соман, Сомалт, Сумонт; германскія імёны Sumuni, Somold, Sommund) паходзіць ад стараісьляндзкага some 'гонар'^[3].

Варыянты імя ў гістарычных крыніцах: в людеи наших… а въ Юръкеля Сомиловича (25 ліпеня 1503 году)^[4]; люди тягълыи волковыискии… Сомило Ремъшычъ (1506—1539 гады)^[5]; шесть чоловеков тяглых у Бирштанском повете, на имя… а Сомила Милошевича (19 траўня 1513 году)^[6]; в Новгородскомъ повете… земль пустовских… Ромеиковщину… Ядиминовщину, а Ядовкговщину и Сомиловщину, а Явилтовщину (14 чэрвеня 1514 году)^[7]; людеи… Рымъдеика Сомиловича (19 сьнежня 1522 году)^[8]; а Ондрушко Сомиловичъ мещанинъ (13 красавіка 1539 году)^[9]; у волости нашои Пуньскои… земъли… Сомиловщину (5—16 ліпеня 1549 году)^[10]; Сомилишки (1553 год)^[11]; подданые королевое ее милости… Радивило Сомиловичъ (11 ліпеня 1556 году)^[12]; Каспора Шумеля з Болбок (1556 год)^[13]; на цыншу держить Радивило Сомиловичъ (1557—1558 гады)^[14]; Янко Сомиловичъ (25 сакавіка 1560 году)^[15]; з Шумилишокъ (1567 год)^[16]; ślachetny Stanisław Sumieło (1580 год)^[17]; Romieyko Somiłowicz (1 чэрвеня 1584 году)^[18]; Sumiliszki (1670 год)^[19]; z Sumiliszek (1699 год)^[20]; Pietruk Somiło (6 студзеня 1700 году)^[21]; Sumiliscensis… Sumiliszki (1744 год)^[22]; Antoni Sumiło (1764 год)^[23]; do wioski Sumiłów (1782 год)^[24]; Parafija sumiliska (1782 і 1784 гады)^[25]; wioska Sumiły (1784 год)^[26]; Jana i Piotra Sumielewiczow… mieszkańców miasta Puń (26 чэрвеня 1793 году)^[27]; Dominik Szumiel (1784 год)^[28]; Elżbieta Somiłło (1798 год)^[29]; Teodor Szumlewicz (1820 год)^[30].

Носьбіты

• Каспар Шумель — віцебскі баярын, які ўпамінаецца ў 1556 годзе
• Крыштоф Саміла — жыхар места Ліды, які ўпамінаецца ў 1680 годзе^[31]

Самілы — уніяты Маламажэйкаўскай парафіі^[32].

Сумілы (Sumiło) гербу Сас — літоўскі шляхецкі род^[33].

Шумілы — літоўскі шляхецкі род^[34].

Шуміла (Szumilo) і Шуміловіч (Szumilowicz) — прозьвішчы, зафіксаваныя ў XIX стагодзьдзі ў ваколіцах Сувалкаў^[35].

На 1892 год існаваў двор Шумілы ў Панявескім павеце Ковенскай губэрні^[36].

На 1904 год існавалі сядзіба Шамілава і вёска Шумілы ў Бельскім павеце, а таксама вёска Шумілава (Шумілова) у Парэцкім павеце Смаленскай губэрні^[37].

На 1906 год існавала вёска Шумілы ў Дзьвінскім павеце Віцебскай губэрні^[38].

На гістарычнай Троччыне існуе старажытнае мястэчка Сумілішкі, на гістарычнай Ашмяншчыне — вёскі Вялікія Шумілішкі і Малыя Шумілішкі.