Станіслаў Сазановіч
беларускі футбаліст From Wikipedia, the free encyclopedia
Remove ads
Станіслаў Сазановіч (нарадзіўся 6 сакавіка 1992 году) — беларускі футбаліст, абаронца.
Remove ads
Кар’ера
Клюбная
Пачаў кар’еру ў менскай «Зорцы-БДУ», дзе быў гульцом асноўнага складу. Улетку 2010 году перайшоў у арэнду ў «Гомель», які на той час гуляў у Першай лізе. Па заканчэньні сэзону 2010 году быў выкуплены гомельскім клюбам. У 2011 годзе гуляў за дубль «Гомля», а сэзон 2012 году правёў у арэндзе ў рэчыцкім «Ведрычы-97», дзе быў гульцом асноўнага складу. У сэзоне 2013 году вярнуўся з арэнды і стаў гульцом асновы «Гомля». Звычайна гуляў на пазыцыі левага абаронцы, дзе чаргаваўся зь Сяргеем Кандрацьевым. У студзені 2014 году быў аддадзены «Гомлем» у арэнду «Нафтану» да канца сэзону[3], але ў ліпені дамова была скасаваная з ініцыятывы «Нафтану»[4]. Гулец у складзе паўночнікаў перадусім гуляў за дубль, зьявіўшыся ў першай камандзе толькі ў пяці матчах, дзе найчасьцей выкарыстоўваўся на пазыцыі правага паўабаронцы.
Па вяртаньні ў «Гомель» неўзабаве замацаваўся ў складзе ў якасьці асноўнага правага абаронцы. У сьнежні 2014 году падоўжыў кантракт з гамяльчукамі[5]. Паводле вынікаў сэзону 2015 году «Гомель» зноў апынуўся ў Першай лізе, тым ня менш Станіслаў паўторна падоўжыў пагадненьне з клюбам[6] і паводле вынікаў сэзону 2016 году дапамог яму вярнуцца ў эліту. У сэзоне 2017 году заставаўся асноўным правым абаронцам каманды ў Найвышэйшай лізе. У студзені 2018 году пакінуў «Гомель»[7] і неўзабаве далучыўся да складу дэбютаната беларускай Найвышэйшай лігі — клюбу «Смалявічы»[8]. Стаў гульцом стартавага складу, у жніўні і верасьні 2018 году не гуляў праз траўмы.
У сьнежні 2018 году падпісаў кантракт з «Гарадзеяй»[9], дзе замацаваўся ў пачатковым складзе. У верасьні 2020 году перайшоў у бабруйскую «Белшыну»[10], дзе таксама стаў гульцом першай адзінаццатцы. У сьнежні 2020 па заканчэньні кантракту пакінуў бабруйскі клюб[11].
У пачатку 2021 году трэнаваўся з «Крумкачамі», аднак у выніку ў сакавіку ўзмацніў склад койданаўскага «Арсэнала»[12]. Замацаваўся ў стартавым складзе каманды, дапамог ёй паводле вынікаў сэзону 2021 году прабіцца ў Найвышэйшую лігу. Па заканчэньні сэзону 2022 году пакінуў клюб.
Міжнародная
Мае на сваім рахунку матчы ў складзе моладзевай зборнай Беларусі.
Remove ads
Статыстыка
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads