Сунда

Сунда (Зунда, Зунт, Жунд), Сонда — мужчынскае імя і вытворнае ад яго прозьвішча.

Sundo
Паходжаньне
Мова(-ы)	германскія
Іншыя формы
Варыянт(ы)	Сонда, Зунда, Зунт, Жунд
Вытворныя формы	Санда
Зьвязаныя імёны	Сундаўт, Сундар
Зьвязаныя артыкулы
якія пачынаюцца з «Сунда»

Паходжаньне

Асноўны артыкул: Імёны ліцьвінаў

Сунда, Сунт або Сонда (Sundo, Sunt^[1], Sondo) — імя германскага паходжаньня^[2]. Іменная аснова сунд- (сунт-) паходзіць ад стараверхненямецкага sundar 'поўдзень'^[3]. Сярод ліцьвінаў бытавалі імёны Сундаўт, Сундар; адзначаліся германскія імёны Sundolt, Sunder.

У Прусіі бытавалі імёны: Sunde (1299 год)^[4], Sundit (1344 і 1390 гады)^[5].

Варыянты імя ў гістарычных крыніцах: Sunde (26 траўня 1390 году)^[6]; Adam Sonda (1667 год)^[7]; Gabriel Sonda^[8], Władysław Sonda^[9] (1690 год); Jak Zundowa… Zundowie (1738 год)^[10]; Wieś Jakszundowo… Timosz Zund, Antosz Zund, Macz Żund, Myk Żund, Krysztoph Zund (26 жніўня 1765 году)^[11]; do karczmy Zunty zwanej (1784 год)^[12][a].

Носьбіты

• Сунда — літоўскі баярын з Эйраголы, які ў 1390 годзе засьведчыў умову з Тэўтонскім ордэнам
• Войцех Станіслававіч Сунд (Сунда, Сундзь) — тандзягольскі зямянін, які ўпамінаецца ў 1586—1597 гадох^{[15][16][17][18]}

Зунды (Zunda) — прыгонныя з ваколіцаў Сьвянцянаў, якія ўпамінаюцца ў XIX стагодзьдзі^[19].

Сонды (Sondo) — літоўскі шляхецкі род з Трокаў^[20].

Жунда (Żundo) — прозьвішча, гістарычна зафіксаванае на тэрыторыі цяперашняй Летувы^[21].

На 1906 год існавалі дзьве вёскі з назвай Зунды ў Рэжыцкім павеце Віцебскай губэрні^[22].

Заўвагі

1. Таксама:

   • Сондзейка (адзначалася германскае імя Sandika^[13]): чоловека… з братаничомъ Сондеиком (15 сьнежня 1514 году)^[14]