Сяргей Кавалюк
беларускі футбаліст From Wikipedia, the free encyclopedia
Remove ads
Сярге́й Кавалю́к (нар. 7 студзеня 1980 году) — колішні беларускі футбаліст, паўабаронца. Ягоны сын Кірыл таксама стаў футбалістам.
Remove ads
Кар’ера
Выхаванец берасьцейскай СДЮШАР-5. Выступаў за рэзэрвовыя каманды берасьцейскага «Дынама», а з 2002 году трывала замацаваўся ў асноўным складзе. У 2005 годзе гуляў у Першай лізе за «Граніт» і «Баранавічы», а з 2006 году зноў гуляў у элітным дывізіёне за гарадзенскі «Нёман», берасьцейскае «Дынама» і жодзінскае «Тарпэда». Пасьля 2010 году гуляў пераважна ў Першай лізе, пераможцам якой стаў у сэзоне 2012 году разам з магілёўскім «Дняпром». У другой палове 2011 году выступаў за клюб «Крэсовія» (Семятычы) з пятай польскай лігі.
Узімку 2015 году спрабаваў вярнуцца ў элітны дывізіён, але прагляд у берасьцейскім «Дынама» скончыўся безвынікова[2]. У хуткім часе апынуўся ў складзе «Ліды» і ў лютым 2015 году падпісаў з гэтым клюбам кантракт[3]. У складзе лідзкага клюбу быў адным зь лідэраў, шмат у чым дзякуючы Кавалюку лідзкі клюб апынуўся ў верхніх радках табліцы Першай лігі.
У чэрвені 2015 году знаходзіўся на праглядзе ў гарадзенскім «Нёмане», у выніку 10 ліпеня падпісаў кантракт з клюбам[4]. У складзе «Нёмана» замацаваўся на пазыцыі атакуючага паўабаронцы. У студзені 2016 году падоўжыў кантракт з гарадзенцамі на найбліжэйшы сэзон[5], аднак у ліпені скасаваў кантракт і перайшоў у «Граніт»[6]. Быў капітанам мікашэвіцкага клюбу, у 13 матчах забіў 3 галы, але ня здолеў выратаваць каманду ад вылету ў Першую лігу.
У лютым 2017 году стала вядома, што Сяргей стаў гульцом «Смалявічаў-СТІ»[7]. Дапамог смалявіцкаму клюбу паводле вынікаў сэзону 2017 году выйсьці ў Найвышэйшую лігу. У студзені 2018 году вярнуўся ў «Ліду»[8]. У ліпені 2018 году завяршыў прафэсійную кар’еру і перайшоў на трэнэрскую працу ў акадэмію берасьцейскага «Дынама»[9]. У жніўні 2018 году быў таксама заяўлены за каманду «Рух» у Другой лізе[10] і дапамог ёй атрымаць перамогу ў турніры. У сэзоне 2019 году трапіў у заяўку «Руху» ў Першай лізе, аднак на полі не зьяўляўся.
У пачатку 2020 году далучыўся да клюбу «Дынама-Берасьце-1960» з Другой лігі, які на наступны год быў перайменаваны ў «Маларыту». Гуляў у камандзе да канца сэзона 2021 году.
Remove ads
Статыстыка
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads