Смалявічы (футбольны клюб)

«Смалявічы» — футбольны клюб зь Беларусі. Заснаваны ў 2009 годзе. Базуецца ў Смалявічах, якія знаходзяцца ў Менскай вобласьці. З 2019 году выступае ў першай лізе чэмпіянату Беларусі.

Смалявічы
Поўная назва	Футбольны клюб «Смалявічы»
Заснаваны	2009
Горад	Смалявічы, Беларусь
Стадыён	«Азёрны» Умяшчальнасьць: 1600
Дырэктар	Сяргей Міхайлаў
Чэмпіянат	Найвышэйшая ліга
· 2019	Першая ліга, 2 месца (павышэньне)
Афіцыйны сайт

Гісторыя

Пад назвай «Вігвам» у 2009 годзе пад кіраўніцтвам трэнэра Аляксандра Міхальчанкі каманда ўдзельнічала ў чэмпіянаце Менскай вобласьці^[1], паводле вынікаў якога заняла выніковае 10 месца сярод 14 удзельнікаў. У наступным годзе «Вігвам» выступаў у другой лізе чэмпіянату Беларусі па футболе, заняўшы 11 месца сярод 18 камандаў.

У красавіку 2011 году клюб атрымаў пасьведчаньне аб дзяржаўнай рэгістрацыі й стаў чальцом Беларускай фэдэрацыі футболу^[1]. 19 ліпеня галоўным трэнэрам быў прызначаны беларускі спэцыяліст Юры Пунтус^[2], які раней трэніраваў моладзевую й нацыянальную зборныя, а таксама такія клюбы найвышэйшай лігі БАТЭ, МТЗ-РІПА й берасьцейскае «Дынама»^[3]. У жніўні клюб быў перайменаваны ў «Смалявічы» й пад такой назвай заняў 12 месца з 16 камандаў другой лігі.

У сэзоне 2012 году каманда атрымала новую назву — «Смалявічы-СТІ». Клюб падышоў да новага сэзону ў другой лізе ня ў ролі «сталага аўтсайдэра»^[3], а якасьці «ценявога фаварыта»^[4] турніру. Сэзон для каманды склаўся ўдала, ужо за за 4 туры да канца першынства, перамогшы ў хатнім матчы «Асіпавічы» (2:0), яна датэрмінова выйшла ў першую лігу. У гэтым жа матчы каманда ўпершыню згуляла на сваім новым стадыёне пад назвай «Азёрны»^[5].

У пачатку 2016 году клюб падпісаў дамову пра супрацоўніцтва з БАТЭ, згодна зь якой у «Смалявічах» будуць гуляць маладыя гульцы БАТЭ, якія ня трапілі ў асноўны склад^[6].

У сэзоне 2017 году каманда заняла другое месца ў першай лізе і атрымала права на ўдзел у найвышэйшым дывізіёне ў наступным сззоне. Перад пачаткам сэзону 2018 году назва клюбу была зьмененая на «Смалявічы»^[7].

Былыя назовы

• «Вігвам» (2009—2011)
• «Смалявічы»-СТІ (2011—2017)
• «Смалявічы» (з 2018 году)

Склад

Актуальны на 22 ліпеня 2020 году

№ Пазыцыя Імя Год нараджэньня 3 Аб Яраслаў Макушынскі 1998 4 Аб Кірыл Радзівонаў (ар. Дынама Мн.) 2000 5 Аб Эдуард Жэўнераў (капітан) 1987 7 ПА Анатоль Макараў 1996 8 ПА Мікіта Дземчанка (ар. Дынама Мн.) 2002 9 Нап Уладзіслаў Ложкін (ар. Дынама Мн.) 2002 11 ПА Дзьмітры Шчагрыковіч 1983 12 Бр Арцём Гамялько 1989 17 Аб Ільля Рашчэня 1997 19 Нап Анатоль Багданаў (ар. Тарпэда-БелАЗ) 2001

№ Пазыцыя Імя Год нараджэньня 22 Аб Мікіта Халімончык (ар. Дынама Мн.) 2000 29 Нап Леанід Ханкевіч 1995 30 ПА Аляксандар Александровіч 1997 31 Бр Мікіта Лазоўскі 1999 39 ПА Сяргей Русак 1993 49 ПА Аляксандар Джыгера 1996 77 Аб Глеб Гурбан (ар. Менск) 2001 99 Аб Муталіп Алібекаў (ар. Балтыка) 1997 — ПА Віталь Савошка 2000 — Аб Максім Савосьцікаў 1998

Статыстыка

Чэмпіянат Сэзон Ліга Месца Г В Н П РМ Пкт 2012 Другая 1 ▲ 36 26 9 1 113–22 87 2013 Першая 8 30 12 8 10 50–37 44 2014 Першая 10 30 12 4 14 37–41 40 2015 Першая 7 30 13 8 9 47–37 47 2016 Першая 8 26 9 7 10 38–29 34 2017 Першая 2 ▲ 30 18 4 8 46–22 58 2018 Найвышэйшая 15 ▼ 30 5 9 16 21–39 24

Кубак Сэзон Раўнд Г В Н П РМ 2012—2013 1/32 1 0 0 1 1–3 2013—2014 1/16 2 1 0 1 7–3 2014—2015 1/32 1 0 0 1 0–1 2015—2016 1/16 3 1 0 2 7–7 2016—2017 1/16 2 1 0 1 3–3 2017—2018 1/16 2 1 0 1 5–3 2018—2019 1/8 2 1 0 1 3–5 2019—2020 1/16 2 1 0 1 1–2

Галоўныя трэнэры

• Аляксандар Бразевіч (зь сьнежня 2017 году)^[8]
• Дзьмітры Молаш (чэрвень 2016 году — сьнежань 2017 году, в. а. з чэрвеня 2016 году да студзеня 2017 году)^[9][10]
• Віталь Рагожкін (студзень — чэрвень 2016 году)^[11]
• Аляксандар Бразевіч (жнівень 2015 году — лістапад 2015 году)^[12][13]
• Юры Вадавозаў (в. а. у жніўні 2015 году)^[14]
• Дзьмітры Навіцкі (верасень 2014 году — жнівень 2015 году)^[15]
• Альбэрт Рыбак (сьнежань 2013 — верасень 2014, в. а. у кастрычніку — лістападзе 2013 году)
• Юры Пунтус (да кастрычніка 2013 году)