Талька (вёска)

Та́лька^[1] — вёска ў Беларусі, на рацэ Талі. Уваходзіць у склад Блускага сельсавету Пухавіцкага раёну Менскай вобласьці.

Гэта артыкул пра вёску ў Пухавіцкім раёне. Калі вам патрэбны артыкул пра раку, глядзіце артыкул Талька.

Талька лац. Talka
Першыя згадкі:	1833
Краіна:	Беларусь
Вобласьць:	Менская
Раён:	Пухавіцкі
Сельсавет:	Блускі
Вышыня:	143 м н. у. м.
Насельніцтва:	401 чал. (2010)
Часавы пас:	UTC+3
Тэлефонны код:	+375 1713
Паштовы індэкс:	222813
Нумарны знак:	5
Геаграфічныя каардынаты:	53°22′10″ пн. ш. 28°20′40″ у. д.
Талька на мапе Беларусі ± Талька Талька
Галерэя здымкаў у Вікісховішчы

Назва

Асноўны артыкул: Талейка

Таліка або Талька (Taliko, Talke) — імя германскага паходжаньня^[2].

Гісторыя

Першы пісьмовы ўпамін пра Тальку датуецца 1833 годам. Паводле дакумэнту «Аб ліквідацыі Сьмілавіцкага місіянэрскага рымска-каталіцкага манастыру», які захоўваецца ў Нацыянальным гістарычным архіве Беларусі, пасьля паўстаньня 1830—1831 гадоў расейскія ўлады дзеля абмежаваньня каталіцкага і польскага ўплыву зачынілі місіянэрскі кляштар у Сьмілавічах. Маёмасьць кляштару было загадана прадаць з адкрытага торгу й грошы перадаць у казну Менскай губэрні. На торг зьехаліся шляхта і купцы-габрэі, у тым ліку згадваецца купец Ёсель Ёселевіч з Талькі.

Па адкрыцьці ў 1873 годзе руху на лініі Вялейка — Бабруйск Лібава-Роменскай чыгункі вёска стала разьвівацца і расьці.

20—22 верасьня 1941 году ў лесе каля Талькі нямецкімі захопнікамі было расстраляна мірнае габрэйскае насельніцтва Талькі. На месцы іх пахаваньня былі пастаўленыя мармуровыя пліты з прозьвішчамі забітых: Прус, Цывіны, Зубаравы, Фрукмкіны, Меламед, Розін, Кац. Ініцыятарам мэмарыялу выступіў генэрал Ільля Прус(ru), сваякі якога таксама ў ліку забітых.

З 20 жніўня 1924 году да 30 кастрычніка 2009 году вёска ўваходзіла ў склад і зьяўлялася цэнтрам Талькаўскага сельсавету^[3].

Галерэя

• 
  Праваслаўная царква ў Тальцы
• 
  Дом культуры і бібліятэка ў Тальцы
• 
  Уваход у Дом культуры
• 
  Чыгуначная станцыя ў Тальцы
• 
  Мэмарыяльная дошка ў памяць пра Якуба Коласа, які жыў калісьці ў Тальцы
• 
• 
  Талькаўскае лясьніцтва
• 
  Помнік загінулым салдатам і партызанам у пэрыяд Вялікай Айчыннай вайны (1941—1945)
• 
  Магіла ў Тальцы сяржанта Емяльянава і партызана з Чэхіі Вільяма Гамулы (1924—1944)
• 
  Уваход у лядоўню, пабудаваную ў 1913 годзе. Талька
• 
  Чыгуначная службовая пабудова канца XIX — пачатку XX ст.
• 
  Чыгуначная службовая пабудова канца XIX — пачатку XX ст.
• 
  Чыгуначная казарма пачатку ХХ стагодзьдзя
• 
  Чыгуначная казарма пачатку ХХ стагодзьдзя
• 
• 
• 
•