Тарціла

Тарціла (Тартыла, Друціла, Друтэль, Друтыль), Трудзіла — мужчынскае імя і вытворнае ад яго прозьвішча.

Trudila
Паходжаньне
Мова(-ы)	германскія
Утворанае ад	Trudo + суфікс з элемэнтам -л- (-l-)
Іншыя формы
Варыянт(ы)	Трудзіла, Друціла, Друтэль, Друтыль
Зьвязаныя артыкулы
якія пачынаюцца з «Тарціла»

Паходжаньне

Асноўны артыкул: Імёны ліцьвінаў

Трудзіла або Друдзіла, пазьней Друтэль (Trudila, Drudilo, Drutel^[1]) — імя германскага паходжаньня^[2]. Іменная аснова -друд- (-трут-, -трот-) (імёны ліцьвінаў Гаўдрут, Гендрута, Кондрут; германскія імёны Gautrude, Genedrudis, Cundrud) паходзіць ад гоцкага і германскага þruþs 'мажнасьць, веліч'^[3].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Trutel (Trutyl)^[4].

У Прусіі бытавала імя Tartyl^[5].

Варыянты імя ў гістарычных крыніцах: Тортилъ… пана воеводину часть Лавренъ Тортиловичъ зъ братьею (6 лютага 1520 году)^[6]; Родко Друтилевичъ (1528 год)^[7]; Шимко Таритиловича слуга (1533—1535 гады)^[8]; Луции Тортиловны (28 траўня 1585 году)^[9]; земенину господаръскому повету Упитъского пану Анъдрею Шымъковичу Тортилу (7 сьнежня 1586 году)^[10]; ze wsi Nieglimoni osocznikow… Waluk Drutel (1641 год)^[11]; Druciłowicz (1671—1681 гады)^[12]; Michał Tortyłło… Ian Tortyłło… Kazimierz Tortyłło (23 красавіка 1792 году)^[13]; Joanna Drutell (1805 год)^[14]; Andrzej Tartyło (1819 год)^[15]; Tartiłło Konstanty (30 жніўня 1879 году)^[16].

Носьбіты

• Тарціл і Лаўрын Тарцілавіч — літоўскія баяры, якія ўпамінаюцца ў 1520 годзе
• Родзька Друцілевіч — радунскі баярын, які ўпамінаецца ў попісе войска Вялікага Княства Літоўскага 1528 году
• Мікалай Янавіч Тарціла — вількійскі зямянін, які ўпамінаецца ў 1579—1613 гадох^[17][18]
• Люцыя Тарцілаўна — зямянка гаспадарская Ўпіцкага павету, якая ўпамінаецца ў 1585 годзе
• Андрэй Шымкавіч Тарціла — зямянін гаспадарскі Ўпіцкага павету, які ўпамінаецца ў 1586 годзе
• Станіслаў Мікалаевіч Тарціл — вількамірскі зямянін, які ўпамінаецца ў 1613 годзе^[19]

Друтэлі (Drutel) — прыгонныя зь вёскі Буйнянаў (Ашмянскі павет), якія ўпамінаюцца ў XIX стагодзьдзі^[20].

Тартылы (Tartyłło) гербу Касьцеша — літоўскі шляхецкі род зь Вільні і Віленскага павету^[21].

Тартылы (Tortyłło) — літоўскі шляхецкі род зь Вільні^[22].

Тарціловічы — літоўскі шляхецкі род^[23].

На 1904 год існавала сядзіба Трудзілава (Трудзілова) у Смаленскім павеце Смаленскай губэрні^[24].